Chyum laika kaw “church” ngu, ga gale ai Greek ga lachyum gaw, nawku ai shara hpe n re ai sha, nawku nga ai masha hpung hpe tsun ai re.

 Ndai ga shadawn hpe yu yu ga: Roma kaw nga ai Hkristan ni hpang de kasa Pawlu laika ka ai shaloi, Akula hte Priskila hpe shakram ngut ai hpang, ndai zawn matut na ka ai: “Shanhte a nta kaw hpawng de ai church hpe ma shakram ya rit.” (Roma 16:5, Contemporary English Version) Pawlu gaw, shara hpe tsun ai nre ai sha, dai nta kaw hpawng de nga ai masha ni hpe shakram nga ai re. a

 Anhte a nawku shara hpe church ngu n tsun ai sha Nawku Htingnu (sh) “Mungdan Gawknu” ngu shaga ai.

 “Yehowa Sakse Ni A Mungdan Gawknu” nga nna tsun ai gaw:

•   Htingnu gaw gawknu zawn re ai majaw re.

•   Chyum Laika hta lawm ai, Yehowa Karai Kasang hpe nawku ai shara, nawku hpung ting hkaw tsun bungli hta, shang lawm na matu, hpawng de ai shara re ai majaw re.​—Shakawn 83:17; Esaia 43:12.

•   Yesu ayan tsun ai Karai Kasang mungdan a lam, hkaja na matu anhte hpawng de ai majaw re.​—Mahte 6:9, 10; 24:14; Luka 4:43.

 Nang hte ni ai Yehowa Sakse Ni a, Nawku Htingnu de sa chyai yu rit. Anhte gara hku nawku ai lam hpe, nang nan sa yu na matu, saw shaga dat ga ai.