N shang ra ai. Dai hku galaw na matu nang hta lit n nga ai. Yehowa Sakse n re ai wan hku law ai masha ni gaw, anhte hte kabu gara let Chyum Laika hkaja nga ma ai. * Dai lamang gaw, Chyum Laika kaw nna hpa ni sharin ya ai hpe nang chye hkra karum ya nga ai sha re. Chye chyang wa ai lam ni hte seng nna dawdan lam jahkrat ai gaw na myit sha re. Makam masham hte seng nna, tinang nan dawdan ra ai hpe anhte hkap la ai.​—Yawshu 24:15.

Mai ai. Chyum Laika hkaja ai aten hta tinang a Chyum Laika hpe mai yu ai. Anhte gaw ya prat na gasi ni lang nna ga gale da ai Mungkan Nnan Ga Gale Chyum Laika hpe yu ai. Nang ra ai nga yang manu jahpu n jaw ra ai sha mai la ai. Gara ga gale Chyum Laika hte raitim, myit mada lam hte hkye hkrang la ai lam hpe sharin la lu ai.

• Madung lam gaw Yehowa Karai Kasang hpe tsawra ai majaw re. Karai Kasang gaw Hkristan ni hpe, tinang chye da ai lam hpe kaga masha ni mung chye wa hkra tsun dan shangun mayu ai. (Mahte 22:37, 38; 28:19, 20) “Karai Kasang a shingdep shingtau” ni hku nna kaga masha ni hpe shi a Mungga sharin ya lu ai majaw, dai hpe laksan ahkaw ahkang hku nna anhte hkam la ai.​—1 Korinhtu 3:6-9.

• Htingbu wa hpe tsawra ai majaw mung re. (Mahte 22:39) Kaga masha ni hpe anhte chye da ai kaja ai lam ni lu tsun dan ai majaw, anhte grai kabu gara ga ai.​—Kasa 20:35.