Yehowa Sakse Ni gaw, tsi mawan hte tsi tsi ai lam hpe hkap la ai. Anhte a hkum hkrang hkam ja hkra shakut tim, kalang lang “tsi sara ra” ga ai. (Luka 5:31) Tsa ban langai na Hkristan masha Luka zawn, ya prat na Yehowa Sakse nkau mi mung, tsi sara ni rai ma ai.​—Kolose 4:14.

 Chyum Laika hte nhtan shai ai, tsi tsi ai lam hpe gaw, anhte nhkap la ga ai. Ga shadawn, sai bang ai hpe anhte nhkap la ai. Hpa majaw nga yang, Chyum Laika hta hkum pat da ai majaw re. (Kasa 15:20) Dai zawn sha, nat hpaji hte seng ai tsi tsi ai lam ni hpe mung, Chyum Laika hta hkum pat da ai.​—Galati 5:19-21.

 Raitim, tsi lajang ai lam law malawng gaw, Chyum Laika hte nhtan shai ai lam n nga ai. Dai zawn tsi tsi ai hpe gaw, tinang nan lata mai ai. Tsi mawan langai, shing nrai, tsi tsi ai lam langai hpe Yehowa Sakse langai hkap la tim, kaga sakse langai hkap la yang she hkap la na re.​—Galati 6:5.