Vitio ĩno ĩatĩĩe nĩyĩeleetye mũnango ĩũlũ wa wĩa wa kũnengane ũtethyo yĩla kĩuutani kyeetawa Irma na kĩngĩ kyeetawa Maria syaumĩlile nthĩ ila syĩ ungu wa ovisi wa ũvonge wa Barbados, wa France, na wa Amelika. O na ĩngĩ nĩyonanĩtye kĩthito kingĩ kĩla ana-a-asa meekĩie kũtetheesya ana-a-asa ma kũu. Nĩsyokete ĩkonany’a ũndũ ana-a-asa asu meekĩiwe vinya nĩ Mwana-a-asa Mark Sanderson ũmwe wa Nzama Ĩla Ĩtongoesye, na Mwana-a-asa Gary Breaux, ũla nĩ mũtetheesya wa Kamitii ya Ũthũkũmi.