Ngũsĩ sya Yeova nĩsyĩthĩawa na mũvango mũseo wa kũmanyĩsya andũ Mbivilia ũtonya kũũtethya. Mũvango ũsu no ũũtetheesye:

•   Wĩkalae wĩ mũtanu

•   Ũtwʼĩke mũnyanya wa Ngai

•   Wĩmanyĩsye kĩla Mbivilia yathanĩte ĩũlũ wa ĩvinda yũkĩte

Kĩlungunĩ kĩĩ

•  Mwĩkaa ata yĩla mũũmanyĩsya mũndũ Mbivilia?

•  Nĩnaĩle kũĩva nĩ kana nĩmanyĩwʼe Mbivilia?

•  Kwĩmanyĩsya kũkuaa ĩvinda yĩana ata?

•  Nĩambĩĩla va?

•  No nambe kũtatĩthya masomo manini?

•  Neetĩkĩla nĩmanyĩwʼe Mbivilia, ngathingĩĩwʼa nĩtwʼĩke ũmwe wa Ngũsĩ sya Yeova?

•  No nĩtũmĩe Mbivilia yakwa?

•  No nĩthokye angĩ tũmanyĩwʼe ĩmwe?

•  Nata ethĩwa nĩneemanyĩasya Mbivilia tene na Ngũsĩ sya Yeova? No nĩmanyĩsye ĩngĩ?

•  Ve nzĩa ingĩ sya kwĩmanyĩsya vate mũndũ wa kũndetheesya?

 Ũkeethĩawa na mũndũ wa kũũtetheesya kũmanya Mbivilia, ĩsomo yĩmwe kũthi yĩla yĩngĩ. Kũtũmĩa ĩvuku yĩ na masomo ma Mbivilia matonya kũũtethya yĩtawa Tanĩa Thayũ Tene na Tene! nĩkũũkũmanyĩsya o kavola kwa kavola ũvoo ũla wĩ Mbivilianĩ na ũndũ ũtonya kũũtethya. Nĩ kana ũkwate ũvoo mwingangĩ, ĩloele vitio ĩno.

 Aiee. Ngũsĩ sya Yeova iatĩĩaa mwĩao ũũ Yesũ wanengie amanyĩwʼa make: “Mwanengiwe mana, nenganai mana.” (Mathayo 10:8) O na ĩngĩ, ndũĩvĩthawʼa syĩndũ ila mũũtũmĩa mũyĩmanyĩsya, ta Mbivilia kana ĩvuku Tanĩa Thayũ Tene na Tene!

 Masomo onthe nĩ 60. Nue ũũtwʼa wĩĩmanyĩsya na mĩtũkĩ ata, ĩndĩ amanyĩwʼa aingĩ mewʼaa me eanĩe maimina ĩsomo yĩmwe kana elĩ kwa kyumwa.

1.  1. Usũsya vomu ĩla yĩ kĩsesenĩ. Ũvoo ũla watũma ũeleetye ĩũlũ waku twĩũtũmĩa tu kũvangĩthya ũndũ ũmwe wa Ngũsĩ sya Yeova ũtonya kũũkwatya.

2.  2. Mũndũ ũla mũkemanyĩasya ĩmwe nũkũũmantha. Akakũelesya kĩla kĩendeeaa yĩla mũkwĩmanyĩsya, na nũkasũngĩa makũlyo onthe ala ũtonya kwĩthĩwa namo.

3.  3. Mwĩ elĩ nĩmũũneenea ũndũ mũkemanyĩasya. No mwĩmanyĩsye mwenene kana mũtũmĩĩte simũ, vitio, valũa, kana email. Mavinda maingĩ ĩsomo yĩmwe yĩkuaa ta ĩsaa yĩmwe, ĩndĩ kwosana na ũndũ wĩvangĩte, no mũtũmĩe ĩvinda ĩkuvangĩ kana o yingangĩ.

 Ĩĩ. Nĩ kana wĩke ũu, usũsya vomu ĩla yĩ kĩsesenĩ. Na ĩndĩ yĩla ũmwe wa Ngũsĩ sya Yeova wĩũmantha, mũelesye kana wĩenda kwamba kũtatĩthya masomo manini nĩ kana ũmanye ethĩwa nũkwendeewʼa nĩ mũvango ũsu. Nĩ kana aũtetheesye kũmanya ethĩwa nũũtanĩa kwĩmanyĩsya, akatũmĩa mbulosua Tanĩa Thayũ Tene na Tene! ĩla yĩ na masomo atatũ ma mwambĩĩo.

 Aiee. Ithyĩ Ngũsĩ sya Yeova nĩtwendete kũmanyĩsya andũ Mbivilia, ĩndĩ o na vailye ũu, tũithingʼĩĩasya mũndũ o na ũmwe atwʼĩke ũmwe witũ. Vandũ va ũu, tũeleasya kwa ndaĩa kĩla Mbivilia ĩwetete, twĩsĩ kana kĩla mũndũ e na mwanya wa kwĩnyuvĩa kĩla ũkũĩkĩĩa.—1 Vetelo 3:15.

 Ĩĩ, no ũtũmĩe Mbivilia ĩla ũkwenda. O na kau nĩtũtanĩaa kũtũmĩa Mbivilia ya New World Translation of the Holy Scriptures nũndũ ĩalyũlĩtwe nesa na yĩ laisi kũeleeka, nĩtwĩsĩ kana andũ aingĩ mendaa kũtũmĩa Mbivilia ĩla mamanyĩanĩte nayo.

 Ĩĩ. No ũthokye mũsyĩ waku wʼonthe kana mũnyanya o na wĩva ũla ũkwenda.

 Ĩĩ. Na ũndũ wa kwendeesya nĩ kana yu wĩtanĩa mũno o na kũte tene, nũndũ mũvango ũũ wa kwĩmanyĩsya nĩwĩkĩtwe moalyũku wosane na maũndũ ala meũkwata andũ ĩvindanĩ yĩĩ. Yu ve na syĩndũ mbingĩ sya kwĩloela na ũkethĩaa no ta ũneenanyʼa, kĩvathũkanyʼo na ĩvinda ĩvĩtu.

 Ĩĩ. O na kau amanyĩwʼa aingĩ monaa nĩ ũseo methĩwe na mũndũ wa kũmatetheesya, amwe monaa kavaa makambĩĩa me oka. Vala vaandĩkĩtwe “Syĩndũ sya Kũũtetheesya Wĩmanyĩsye Mbivilia” ve syĩndũ ũtonya kũtũmĩa kwĩmanyĩsya vate ndĩvi. Syĩndũ imwe itonya kũũtethya nĩ ta:

•   Online Bible Study Lessons. Masomo ala me vau nĩmasũngĩĩte makũlyo amwe ma vata thayũnĩ, ta: We Ngai Nũũ? Nĩkĩ kwĩ ũthũku na mathĩna? We Ngai nũkamina mathĩna?

•   Vitio syosanĩte na Mbivilia. Vitio isu nguvĩ ieleetye momanyĩsyo ma vata ma Mbivilia.

•   Mosũngĩo ma Makũlyo ma Mbivilia. Ilungu isu isũngĩĩte makũlyo maingĩ ma Mbivilia.

•   Mistari ya Biblia Yafafanuliwa. Kĩlungu kĩu kĩeleetye mĩsoa mĩna ya Mbivilia yĩsĩkĩe mũno vamwe na ndeto imwe sya Mbivilia itũmĩawa mũno.