Syo Ngũsĩ sya Yeova Niendaa Sivitalĩ?
Ĩĩ, Ngũsĩ sya Yeova niendaa sivitalĩ na ninyusaa ndawa. O na kau nĩtũtataa kwĩsũvĩa tũikakwatwe nĩ mowau, nĩtwĩsĩ kana ve “vata wa ndakĩtalĩ.” (Luka 5:31, The Holy Bible in Current Kikamba Language) O na amwe ma Ngũsĩ sya Yeova nĩ matakĩtalĩ o tondũ Lũka, ũla waĩ Mũklĩsto ĩvinda ya atũmwa, waĩ ndakĩtalĩ.—Akolosai 4:14.
Ĩndĩ ve mĩthemba ĩmwe ya ũiiti ĩtosanaa na myolooto ya Mbivilia na kwoou tũyĩtĩkĩlanaa nayo. Kwa ngelekanyʼo, tuyĩtĩkĩlaa kwongelwa nthakame nũndũ Mbivilia nĩleete mũndũ ayongelwa nthakame aĩ nĩ kana ndakakwʼe. (Meko ma Atũmwa 15:20) O ta ũu, Mbivilia nĩtũvatĩte kũiitwa na nzĩa sya ũwe.—Akalatia 5:19-21.
Ũseo nĩ kana ũiiti mwingĩ ũla wĩ kwʼo ti mũthũku kwosana na Mbivilia. Kwoou kĩla ũmwe witũ nĩwe wĩtwʼĩĩaa eenda ũiiti wa mũthemba wĩva. Ngũsĩ ĩmwe nĩtonya kwĩtĩkĩla ndawa kana ũiiti mũna, na ngũsĩ ĩngĩ ĩkalea ũiiti o ũsu.—Akalatia 6:5.
No Wendeewʼe Nĩ Ii
MOSŨNGĨO MA MAKŨLYO MA MBIVILIA
Yo Mũklĩsto no Etĩkĩle Kũiitwa?
Wʼo ũiiti ũla tũũnyuva no ũtume Ngai atana kana athata?
MAKŨLYO MAKŨLAWʼA MAVINDA MAINGĨ
Nĩkĩ Ngũsĩ sya Yeova Itetĩkĩlaa Kwongelwa Nthakame?
Ngũsĩ sya Yeova niwetawa maũndũ maingĩ mate ma wʼo na andũ maieleawa nesa woni woo ĩũlũ wa nthakame. Manya kĩla tũĩkĩĩaa ĩũlũ wa kwongelwa nthakame.
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.