Ũmbano wa Kũlilikana Kĩkwʼũ kya Yesũ
Wathanthatũ, Matukũ 12, Mwei wa 4, 2025
Mũthenya ũmwe kwa mwaka, Ngũsĩ sya Yeova nililikanaa kĩkwʼũ kya Yesũ, na syĩkaa ũu nũndũ Yesũ eeĩaĩe aatĩĩi make atĩĩ: “Ĩkaai ũu kwondũ wa kũndilikana.”—Luka 22:19.
Nĩtũũkũthokya ũke ũmbanonĩ ũũ.
Makũlyo Makũlawʼa Mavinda Maingĩ
Ũmbano ũsu ũkuaa ĩvinda yĩana ata?
Ũkakua ta ĩsaa yĩmwe.
Ũkeekĩwa va?
Neena na Ngũsĩ sya Yeova kĩsionĩ kyenyu nĩ kana ũmanye vala ũkekĩwa.
Ve kĩndũ naĩlĩte kũĩvĩa?
Aiee.
Ve nthembo ikosanwʼa?
Aiee.
Ve ngũa ila syaĩle kwĩkĩwa?
O na kau vaiĩ ngũa sya mwanya mũndũ waĩle kwĩkĩa ayũka ũmbanonĩ ũsu, Ngũsĩ sya Yeova nitataa mũno iatĩĩe ũtao wa Mbivilia ũla wonanĩtye kana mũndũ aĩle kwĩkĩa ngũa ila syaĩlĩte na syĩ na ndaĩa. (1 Timotheo 2 9) Ti nginya ngũa syaku syĩthĩwe syĩ sya mbesa mbingĩ kana sya suti.
Nĩ kyaũ kĩendeeaa ũmbanonĩ ũsu?
Ũmbano ũsu wambĩĩaa na ũithela na wathi na mboya ĩla yumawʼa nĩ mũtavanyʼa wa Ngũsĩ sya Yeova. O na ĩngĩ, nĩvethĩawa na ũvoo umĩte Mbivilianĩ ũla wonanasya nĩkĩ Yesũ wakwie na ũndũ tũtonya kũtetheka nĩ kĩla Ngai na Klĩsto matwĩkĩte.
Nĩ kana ũkwate ũvoo mwingangĩ, sisya kĩlungu kĩ na kyongo, “Nĩkĩ Ngũsĩ sya Yeova Ililikanaa Kyaũya kya Wĩoo kya Mwĩaĩi kwa Nzĩa yĩ Kĩvathũkanyʼo na Ndĩni Ila Ingĩ?”
Maũmbano ma Kũlilikana Kĩkwʼũ kya Yesũ Myaka Yũkĩte Makeekwa Ĩndĩĩ?
2025: Wathanthatũ, Matukũ 12, Mwei wa 4
2026: Wakana, Matukũ 2, Mwei wa 4
No Wendeewʼe Nĩ Ii
KŨLILIKANA
Lilikana Kĩkwʼũ kya Yesũ
Nĩtũũkũthokya mũno wĩthĩwe vamwe naitũ ĩla tũkethĩwa tũililikana kĩkwʼũ kya Yesũ o tondũ we mwene waisye. Ĩmanyĩsye ũndũ ũtonya kũtethwʼa nĩ thayũ na kĩkwʼũ kya Yesũ.
MOMANYĨSYO MA VATA MA MBIVILIA
Yesũ Akwie Nĩkĩ?
Mbivilia nĩyonanĩtye kana kĩkw’ũ kya Yesũ nĩ kya vata vyũ. Ve ũndũ waĩ wĩanĩw’e nĩ kĩkw’ũ kyake?