ENDEEAI KŨSYAĨĨSYA!
Ithokoo sya Kĩsiasa—Mbivilia Yaĩtye Ata?
Nĩkwĩthĩĩtwe na ithokoo mbingĩ sya kĩsiasa nthĩ yonthe.
Nthĩ ya Mexico atongoi ma siasa 39 nĩmoaĩtwe, ũla nĩwʼo ũtalo ũla mũnene vyũ waaĩthĩwa. O na nĩkwĩthĩĩtwe na ithokoo mbingĩ sya kĩsiasa ila itumĩte andũ malikwa nĩ wia na ikaananga ũsakũani wa 2023-2024.
Mĩtũkĩnĩ Europe nĩkwĩthĩĩtwe na ithokoo mbingĩ sya kĩsiasa,o vamwe na kũtata kũawa kwa mũnene wa nthĩ ya Slovakia twĩ Matukũ 15 Mwei wa 5, 2024.
Andũ Nthĩ ya Amelika nĩmanatelemilwʼe mũno nĩ kũtata kũawa kwa Donald Trump, ũla waĩ mũsumbĩ wa nthĩ ĩsu twĩ Matukũ 13 Mwei wa 7, 2024.
Nĩkĩ kwĩthĩĩtwe na ithokoo mbingĩ sya kĩsiasa? Syo ikathela? Mbivilia yaĩtye ata?
Mũaanĩko wa kĩsiasa nĩwaathanĩtwe
Mbivilia nĩyaathanĩte kana ĩvindanĩ yĩĩ tũtũĩte ĩla ĩyĩtĩte “mĩthenya ya mũminũkĩlyo,” andũ aingĩ makethĩwa na mĩtuo ĩla ĩtonya kũete ithokoo na andũ kũema kwĩwʼana.
“Mĩthenyanĩ ya mũminũkĩlyo kũkeethĩwa mavinda ma mũisyo na momũ. Nũndũ andũ makeethĩwa . . . mate mũvea, mate aĩkĩĩku, . . . mate na wĩwʼano, . . . ai, . . . avũnyanĩi, me na ngũlũ, me na mĩtũlyo.”—2 Timotheo 3:1-4.
O na ĩngĩ, Mbivilia nĩyaathanĩte kana mathĩna ta andũ kũvĩnga silikalĩ na ithokoo sya kĩsiasa maĩ methĩwa vo ĩvindanĩ yĩĩ ya mũminũkĩlyo. (Luka 21:9) Ĩndĩ o na vailye ũu, ithokoo sya kĩsiasa na mĩaanĩko ikathela.
Mũthya wa ithokoo sya kĩsiasa
Mbivilia ĩeleetye kana Ngai akavetanga silikalĩ syonthe sya andũ na vandũ vasyo, ayĩũngamya silikalĩ yake ya ĩtunĩ.
“Ngai wa ĩtunĩ akaũngamya ũsumbĩ [ũla] . . . ũkatilanga ilungu na kũmina mosumbĩ asu onthe, nawʼo ũkekalaa tene na tene.”—Ndanieli 2:44.
Kwa wʼo, Ũsumbĩ wa Ngai ũkaete mũuo ĩũlũ wa nthĩ yonthe na ũituma andũ methĩwa me ngwatanĩo.
Yesũ Klĩsto, Mũsumbĩ wa Ũsumbĩ ũsu, etĩtwe “Mũnene wa Mũuo,” na akaĩkĩĩthya kana “mũuo ndũkethĩwa na mũminũkĩlyo.”—Isaia 9:6, 7.
O na ũmũnthĩ, laiaa ma Ũsumbĩ ũsu nĩmaendee kwĩmanyĩsya kwĩthĩawa na mũuo. Nĩkyo kĩtumi Mbivilia yaĩtye: “Makatusya mbyũ syoo itwʼĩke mĩthya ya maembe ma ngʼombe, na matumo moo tũvyũ twĩ ngoto twa kũsea; mbaĩ ndĩkokĩlĩlya mbaĩ ũvyũ, o na itikemanyĩsya kaũ ĩngĩ.”—Isaia 2:3, 4.
Nĩ kana wĩmanyĩsye mũnango, soma kĩlungu kĩ na kyongo“Ũsumbĩ wa Ngai Ũkeanĩsya Kyaũ?” na ũyĩloela vitio yĩ na kyongoŨsumbĩ wa Ngai Nĩ Kyaũ?
No Wendeewʼe Nĩ Ii
MŨSYAĨĨSYA
Ũsumbĩ wa Ngai Ũkeanĩsya Maũndũ Meva?
Yesũ nĩweesĩ kana no Ũsumbĩ wa Ngai ũtonya kũmina mathĩna ala me ĩũlũ wa nthĩ. Nĩ maũndũ meva ala Ũsumbĩ ũsu wĩkĩte meũtũĩkĩĩthya ũu?
ENDEEAI KŨSYAĨĨSYA!
Andũ Aingĩ Nĩmaekete Kũĩkĩĩa Atongoi ma Siasa—Mbivilia Yaĩtye Ata?
Mbivilia ĩtũthuthĩtye tũsiasye nesa ala tũkũĩkĩĩa na ĩkaelesya nũũ tũtonya kwĩkwatya vyũ nĩ kana twĩthĩwe na ĩvinda ĩseo yũkĩte.
ENDEEAI KŨSYAĨĨSYA!
Nĩkĩ Siasa Iaanasya Andũ Mũno?—Mbivilia Yaĩtye Ata?
Andũ nthĩ yonthe nĩmaendeee kũaanĩka mũno nũndũ wa siasa. Mbivilia nĩnenganĩte ũsũngĩo wa thĩna ũsu, nawʼo nĩ mũtongoi ũla ũkaete ũũmwe andũnĩ onthe.
MŨSYAĨĨSYA
Ngai Anyuvĩte Ũũ Ethĩwe Mũsumbĩ?
KAMBEINI YA MWANYA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.
