Ũngʼendu ũendeee kwongeleka nthĩ ya Haiti. Ũtũli wa mĩao ũendeee kũtuma andũ mathĩna nthĩ ya South Africa na Mexico o vamwe na nthĩ ingĩ sya Latin America. O na isionĩ ila ũngʼendu ũolekete, andũ mekalaa matelemete nũndũ wa kwĩwʼa livoti sya ũngʼei, ũtũli wa mĩao, kana kwanangwa kwa malĩ.

 Mbivilia yaĩtye ata ĩũlũ wa ũtũli wa mĩao ũla ũendeee nthĩ yonthe?

 Mbivilia yathanie kana ũtũli wa mĩao ũkeethĩwa kĩlungu kya wonanyʼo wa “mũminũkĩlyo wa ĩvinda yĩĩ.” (Mathayo 24:3) Yesũ Klĩsto ayĩelesya maũndũ ala me nthĩnĩ wa wonanyʼo ũsu, aisye:

•   “Nũndũ wa kwongeleka kwa ũtũli wa mĩao, wendo wa aingĩ ũkavoa.”—Mathayo 24:12.

 O na ĩngĩ, Mbivilia yathanie kana “mĩthenyanĩ ya mũminũkĩlyo” andũ maĩ methĩwe “matesiĩĩaa, ai, matendete ũseo.” (2 Timotheo 3:1-5) Mĩtuo ta ĩsu nĩtumaa kwĩthĩwa na ũtũli wa mĩao ũmũnthĩ.

 Ĩndĩ twĩ na kĩtumi kya kwĩthĩwa na wĩkwatyo. Mbivilia yathanĩte kana o mĩtũkĩ ũtũli wa mĩao nũũvetangwa vyũ.

•   “Vatiele ĩvinda ĩnini, na mũthũku ndakethĩwa: Ĩĩ, ũkaketeea mũno vandũ vake, na ndakethĩwa. Ĩndĩ ala auu makatiĩwa nthĩ, na makeetanʼya mũuonĩ mwingĩ.”—Savuli 37:10, 11.

 Ĩmanyĩsye mũnango ĩũlũ wa wĩkwatyo ũla wĩ Mbivilianĩ na ũimanya nĩkĩ ũtonya kwĩthĩwa ũte na nzika kana maũndũ ala tũkwona maendeee ĩũlũ wa nthĩ ũmũnthĩ, meanĩasya wathani ũla wĩ Mbivilianĩ. Sisya ilungu ii ĩatĩĩe.

 “Tumaini Bora la Wakati Ujao”

 “Ni Nini Ishara ya “Siku za Mwisho”?”

 “Je, Biblia Ilitabiri Mitazamo na Matendo ya Watu Leo?”