Ethĩwa wĩ mũndũ wa mũika ũte mũvatise kana wĩ mũmanyĩw’a wa Mbivilia, wĩ na mũvango wa kũvatiswa? Nĩkĩ waĩle kũvatiswa? Kwĩyumya na kũvatiswa kũtumaa mũndũ ethĩwa na ngwatanĩo ya mwanya vyũ na Yeova. (Sav 91:1) O na nĩkũtonya kũtuma mũndũ esa kũtangĩĩwa. (1Vt 3:21) Ũtonya kwĩka ata nĩ kana ũvikĩĩe kũvatiswa?

Ĩyĩĩkĩĩthye kana ũũ nĩw’o w’o. Weethĩwa na makũlyo ĩka ũkunĩkĩli ũkwate mosũngĩo. (Alo 12:2) Tata wone moalyũku ala waĩle kwĩka, na ũimeka wĩ na kĩeleelo kya kũmwendeesya Yeova. (Nth 27:11; Aev 4:23, 24) Mũvoyae mavinda onthe aũtetheeasye. Ĩthĩwa na mũĩkĩĩo kana Yeova nũkũũnenga vinya na ayĩũtetheesya kwĩsĩla veva wake mũtheu. (1Vt 5:10, 11) Kĩthito kyaku ti kya mana o na vanini. Kũmũthũkũma Yeova nĩw’o ũndũ ũla mũseo vyũ thayũnĩ!—Sav 16:11.

ĨLOELEI VITIO YĨ NA KYONGO, ŨNDŨ ŨTONYA KŨVIKĨĨA KŨVATISWA, NA ĨNDĨ MŨISŨNGĨA MAKŨLYO AA:

• Amwe masindĩte mathĩna meva nĩ kana mavatiswe?

• Ũtonya kwĩka ata nĩ kana wĩthĩwe na mũĩkĩĩo ũla ũtonya kũũtetheesya wĩyumye kwa Yeova?

• Nĩ kyaũ kĩkĩĩte amwe vinya makosa matambya ala mendekaa nĩ kana mũndũ avikĩe kũvatiswa?

• Ala manyuva kũmũthũkũma Yeova makwataa moathimo meva?

• Kwĩyumya na kũvatiswa kwonanasya ata?