Yeova onaa mũtwaano wĩ kĩndũ kĩte kya kũvũĩwa ngũĩ na endaa mũũme na mũka mekale malũmanĩtye. (Mt 19:5, 6) Ũseũvyonĩ wa Yeova ve ana-a-asa aingĩ methĩawa na mĩtwaano mĩlũmu. Ĩndĩ o na ũu wĩ o vo, vaiĩ mũtwaano ũtethĩawa na mathĩna. Na kĩtumi nũndũ vaiĩ mũndũ ũte na naĩ. Tũyaĩle kwĩthĩwa na woni ta ũla wĩthĩawa na andũ aingĩ wa kana kũtaanĩsya kana kũthasya mũtwaano nokw’o kũtonya kũmina mathĩna ala maumĩla. Aklĩsto ala matwaanĩte matonya kũsũvĩa mũtwaano woo ata?

Sũanĩa maũndũ aa atano matonya kwĩka.

1. Sũvĩa ngoo yaku kwa kũleana vyũ na maũndũ ta kũthaũkĩa andũ ũtatwaanĩte namo na kwĩtanĩthya na maũndũ mathũku, nũndũ maũndũ asu mekaa kwonzya mũtwaano.—Mt 5:28; 2Vt 2:14.

2. Lũlũmĩĩlyai ngwatanĩo yenyu vamwe na Ngai, na mũyĩthĩwa na wendi wa kũmwendeesya yĩla mũkwĩka maũndũ.—Sav 97:10.

3. Endeea kwĩvw’ĩka mwĩkalĩle mweũ na ũyĩkaa ũla mũtwaanĩte tũmaũndũ tũseo nĩ kana ekale e mũtanu.—Ako 3:8-10, 12-14.

4. Eaai ngewa mwĩ na ndaĩa.—Ako 4:6.

5. Nenga mũũme waku kana kĩveti kyaku kĩla kĩmwaĩle wĩ na wendo.—1Ko 7:3, 4; 10:24.

Yĩla Aklĩsto manenga mũtwaano ndaĩa, methĩawa maimũnenga Yeova ndaĩa nũndũ nĩwe wambĩĩsye mũtwaano.

ĨLOELEI VITIO YĨ NA KYONGO, NO NGINYA “TŨSEMBE NA WŨMĨĨSYO”—ATĨĨA MĨAO YA MASINDANO, NA ĨNDĨ MŨISŨNGĨA MAKŨLYO AA:

• O na kau mwambĩĩonĩ mũtwaano no wĩthĩwe wĩ mũseo, nĩ mathĩna meva matonya kumĩla?

• Myolooto ya Mbivilia ĩtonya kũtetheesya ata ala mekwĩw’a mũtwaano woo ũtaendeee nesa?

• Yeova ekĩĩte mĩao yĩva ĩũlũ wa mũtwaano?

• Nĩ kana mũtwaano wĩthĩwe wĩ mũseo, kĩla ũmwe nthĩnĩ wa mũtwaano aĩle kwĩka ata?