O tondũ Yeova wavangĩte Aisilaeli, ũmũnthĩ nũvangĩte andũ make nĩ kana meanĩsye kwenda kwake. Nthĩ yonthe kwĩ movisi ma ũvonge, mĩthyũlũlũko yĩ kĩvathũkany’o, ikundi, na ikundi sya ũtavany’a, na syonthe ithũkũmaa syĩ ngwatanĩo kwondũ wa kũtavany’a ũvoo mũseo. Tũtavasya andũ onthe o na ala maneenaa kĩthyomo kĩngĩ.—Ũvu 14:6, 7.

We nũsũanĩĩte kwĩmanyĩsya kĩthyomo kĩngĩ nĩ kana ũmanyĩsye angĩ ũw’o? O na ethĩwa ndwĩ na ĩvinda ya kwĩmanyĩsya kĩthyomo kĩngĩ, no ũtũmĩe vulongulamu yĩtawa JW Lugha wĩmanyĩsye o maũndũ manini ũtonya kũtũmĩa kwambĩĩsya ũneenany’a na mũndũ. Watũmĩa maũndũ asu weemanyĩsya ũtavany’anĩ, nũtonya kũkwata ũtanu ta ũla Aklĩsto ma ĩvinda ya atũmwa makwatie yĩla andũ kuma nthĩ ingĩ maseng’ie meew’a “maũndũ manene ma Ngai” na kĩthyomo kyoo ene.—Mek 2:7-11.

ĨLOELEI VITIO YĨ NA KYONGO, ĨTHĨWA WĨ MŨNYANYA WA YEOVA—KŨTAVANY’A NA KĨTHYOMO KĨENI, NA ĨNDĨ MŨISŨNGĨA MAKŨLYO AA:

• Ũtonya kũtũmĩa vulongulamu ya JW Lugha ĩndĩĩ?

• Nĩ syĩndũ syĩva syĩ nthĩnĩ vulongulamu ĩsu?

• Andũ kĩsionĩ kyenyu maneenaa ithyomo syĩva?

• Waĩle kwĩka ata yĩla mũndũ ũneenaa kĩthyomo kĩngĩ wendeew’a nĩ ũvoo wa Ũsumbĩ?—od-SW 100-101 ¶39-41