Samueli aendeeie kwĩthĩwa e mũĩkĩĩku kwa Yeova thayũnĩ wake w’onthe. E kamwana, ndaaĩtĩkĩla kũtutya imwana sya Eli, Ovini na Vineasi, ila syaĩ na mwĩkalĩle mũthũku. (1Sa 2:22-26) Samueli nĩwaendeeie kwĩana, na Yeova aendeea kwĩthĩwa nake. (1Sa 3:19) O na akũa, Samueli aendeeie kwĩthĩwa e mũĩkĩĩku kwa Yeova, o na kau imwana syake iyaĩ ndĩkĩĩku.—1Sa 8:1-5.

Ngelekany’o ya Samueli ĩtonya kũtũmanyĩsya kyaũ? Ethĩwa wĩ mũndũ wa mũika, ĩthĩwa na mũĩkĩĩo kana Yeova nũeleawa mathĩna ala ũkomanaa namo na ũndũ wĩw’aa. No aũtetheesye ũkethĩwa na ũkũmbaũ. (Isa 41:10, 13) Ethĩwa wĩ mũsyai na wĩ na mwana ũtamũthũkũmaa Yeova, no wĩw’e wakiakiw’a wamanya kana Samueli ndaĩ atonya kũthing’ĩĩsya syana syake iatĩĩe myolooto ya Yeova. Samueli nĩwaekeie Yeova ũndũ ũsu, na aendeea kwĩthĩwa e mũĩkĩĩku na kwoou amũtanĩthya Ĩthe wake, Yeova. Nĩvatonyeka ngelekany’o yaku nzeo ĩkakiita mwana waku na aimũsyokea Yeova.

ĨLOELEI VITIO ĨMANYĨSYE KUMA KWOO—SAMUELI, NA ĨNDĨ MŨISŨNGĨA MAKŨLYO AA MAATĨĨE:

• Samueli oonanisye ata kana aĩ na ũkũmbaũ o na kau aĩ o kamwana?

• Danny oonanisye ata kana aĩ na ũkũmbaũ?

• Samueli oonanisye ata kana aĩ ngelekany’o nzeo e mũtumĩa mũkũũ?

• Asyai ma Danny mamwĩkĩĩie ngelekany’o nzeo ata?