ĨKĨA KĨTHITO WĨTHĨWE MŨTAVANY’A MŨSEO | ŨNDŨ ŨTONYA KŨTANĨA MŨNANGO WĨA WA KŨTAVANY’A
Tetheesya Amanyĩw’a ma Mbivilia Mone Vata wa Kũthi Maũmbano
Maũmbano ma kĩkundi nĩ kĩlungu kya vata mũno, nthĩnĩ wa ũthaithi wa Yeova. (Sav 22:22) Ala moombana nĩ kana mamũthaithe Yeova nũmaathimaa na makethĩwa me atanu. (Sav 65:4) Amanyĩw’a ma Mbivilia nĩmekaa maendeeo na mĩtũkĩ mambĩĩa kũka maũmbano mateũtĩĩa.
Ũtonya ata kũtetheesya amanyĩw’a maku ma Mbivilia mokae maũmbanonĩ? Ndũkaeke kũmathokya. Mony’e vitio Nĩ Kyaũ Kĩendeeaa Nyũmbanĩ ya Ũsumbĩ? Maelesye matonya kũtetheka ata mooka maũmbanonĩ. (lff ĩsomo ya 10) No ũmaelesye ũndũ mũna ũneemanyĩisye maũmbanonĩ, kana ũkamatavya maũndũ ala makaneenewa maũmbanonĩ kyumwa kĩla kĩatĩĩe. Nenga amanyĩw’a maku mavuku ala makatũmĩwa maũmbanonĩ, kana ũmony’e maũndũ ala makaneenewa ũmbanonĩ nthĩnĩ wa JW Library. O na no ũmatetheesye kwa nzĩa ĩngĩ. Kwa ngelekany’o, no ũmose mũkaendany’a maũmbanonĩ. Weekĩa kĩthito ũmatetheesye moke maũmbanonĩ ĩvinda ya mbee makatetheka mũno.—1Ko 14:24, 25.
ĨLOELEI VITIO YĨ NA KYONGO TETHEESYA AMANYĨW’A MAKU MA MBIVILIA MONE VATA WA KŨTHI MAŨMBANO, NA ĨNDĨ MŨISŨNGĨA MAKŨLYO AA MAATĨĨE:
-
Nĩ mwanya wĩva Neeta watũmĩa athokye Rose maũmbanonĩ ma kĩkundi?
-
Nĩkĩ tũtanaa mũno yĩla mũmanyĩw’a wa Mbivilia wooka maũmbanonĩ?
-
“Vate nzika, Ngai e vamwe nenyu”
Nĩ kyaũ kyeekĩka yĩla Rose wathi ũmbanonĩ ya mbee?
