MAŨNDŨ MA VATA KUMA NDETONĨ YA NGAI | ISAIA 34-37
Esekia Nĩwaathimiwe Nũndũ wa Mũĩkĩĩo Wake
Mũsumbĩ Senakelivu wa Asuli nĩwatũmie Lavi-sake athi Yelusaleme akatavye Ayuti mamwĩnyivĩsye. Aasuli nĩmatũmĩie nzĩa syĩ kĩvathũkany’o nĩ kana Ayuti metĩkĩle kũsindwa o na matokitĩte namo. Matũmĩie nzĩa ta:
-
Kũmea kana vai mũndũ ũmatethya. Misili ndyaĩ ĩmatethya. —Isa 36:6
-
Kũmekĩa Nzika. Yeova ndaĩ esa kũmokitĩa nũndũ nĩmamũthatĩtye.—Isa 36:7, 10
-
Kũmekĩa wia. Mayaĩ matonya kũsinda ita syĩ vinya sya Aasuli. —Isa 36:8, 9
-
Kũmakenga. Meenyivĩsya Aasuli mesaa kwĩkala nesa.—Isa 36:16, 17
Esekia nĩwamũĩkĩĩe Yeova vyũ
37:1, 2, 14-20, 36
-
Eekie kyonthe kĩla ũtonya ombany’e ndũa ya Yelusaleme yĩthĩwe ĩtonya kũkitana na Aasuli mamavithũkĩa
-
Nĩwamũvoyie Yeova amatangĩĩe na eekĩa andũ vinya meke oou
-
Nũndũ wa kwĩthĩwa na mũĩkĩĩo mũlũmu, Yeova nĩwatũmie mũlaĩka oae asikalĩ 185,000 ma Aasuli ũtukũ ũmwe
