Ĩvindanĩ yĩĩ ya mũminũkĩlyo, nĩtũkwatawa nĩ mathĩna maingĩ maito. Mavinda amwe, no twĩwʼe ta twĩ na mathĩna maingĩ mũno ũndũ tũtatonya kũmĩĩsya. Ĩndĩ, twaendeea kũmũthengeea Yeova, akatũtetheeasya kũmĩĩsya mathĩna o na ala maito vyũ. (Isa 43:2, 4) Tũtonya ata kũmũthengeea Yeova yĩla twakwatwa nĩ mathĩna maito?

Mboya. Yĩla twamũtulũĩla Yeova kyonthe kĩla kĩ ngoonĩ, nũtũnengae mũuo wa kĩlĩko na vinya wa kũmĩĩsya.—Avi 4:6, 7; 1Th 5:17.

Maũmbano. Ũmũnthĩ, kwĩ ĩvinda yĩngĩ o na yĩva, nĩtũkwenda lĩu wa kĩ-veva na ngwatanĩo ĩla Yeova ũtũnengae atũmĩĩte maũmbano maitũ. (Avl 10:24, 25) Yĩla tweeyũmbanĩsya maũmbano, twathi, na twaumya maelesyo, nĩtũtethekaa vyũ nĩ vinya ũla Yeova ũtũnengae atũmĩĩte maũmbano maitũ.—Ũvu 2:29.

Ũtavanyʼa. Ethĩwa tũkeekaa kyonthe kĩla tũtonya ũtavanyʼanĩ, tũkeewʼaa wĩ ũndũ wĩ laisi kũsũanĩaa maũndũ ala maseo. O na ĩngĩ, kĩu kĩkatuma tũlũlũmĩĩlya ngwatanĩo yitũ vamwe na Yeova na ala tũtethasya wĩa ũũ vamwe namo.—1Ko 3:5-10.

ĨLOELEI VITIO YĨ NA KYONGO, YEOVA AKAŨTHOKYA, NA ĨNDĨ MŨISŨNGĨA MAKŨLYO AA MAATĨĨE:

• Nĩ kyaũ kyatetheeisye Malu aendeee kwĩkala vakuvĩ na Yeova ĩvinda yĩla wakwatiwe nĩ mathĩna maito?

  Ũsũngĩo waku

• O ta Malu, ndeto ila syĩ nthĩnĩ wa Savuli 34:18 itonya kũtũkiakisya ata yĩla twakwatwa nĩ mathĩna maito?

  Ũsũngĩo waku

• Maũndũ ala mamũkwatie Malu monanĩtye ata kana Yeova nũtũnengae “vinya ũvĩtũkĩte wa mũndũ” yĩla twakwatwa nĩ mathĩna?—2Ko 4:7

  Ũsũngĩo waku