Twendaa kũmwendeesya Yeova maũndũnĩ onthe ala tũkwĩka. (Nth 27:11) Nĩ kana tũmwendeesye, kĩla ĩvinda tũkwĩka ũtwi twaĩle kwamba kũmanya woni wake o na yĩla tũte na mwĩao wa ĩmwe kwa ĩmwe wa kũtũtongoesya. Nĩ kyaũ kĩtonya kũtũtetheesya twĩke ũu?

Lũmanyʼa na mũvango wa kwĩmanyĩasya Mbivilia. Kĩla ĩvinda tũũsoma Mbivilia, wĩthĩaa no ta tũũtũmĩa ĩvinda yitũ vamwe na Yeova. No tũmanye ũndũ Yeova ũsũanĩaa kwa kwĩmanyĩsya ũndũ wakuaa andũ make, na kũsũanĩa kĩla kyakwataa ala meeka maũndũ maseo na ala meeka maũndũ mathũku. Kĩu no kĩtume yĩla tũkwĩka motwi, veva mũtheu ũtũlilikanyʼa myolooto na maũndũ ala twĩĩmanyĩĩtye Ndetonĩ ya Ngai.—Yoa 14:26.

Ĩka ũkunĩkĩli. Yĩla ũkwenda kwĩka ũtwi, ĩkũlye-ĩ, ‘Nĩ ngewa yĩva kana nĩ mĩsoa yĩva yĩ Mbivilianĩ ĩtonya kũndetheesya kũmanya ũndũ Yeova wĩwʼaa ĩũlũ wa ũndũ ũũ?’ Mũvoye Yeova aũtetheesye, na ũitũmĩa syĩndũ sya kwĩka ũkunĩkĩli ila tũnengetwe nĩ ũseũvyo wake ila ikwatĩkanaa kĩthyomonĩ kyaku. Kwĩka ũu no kũũtetheesye kũkwata na kũatĩĩa myolooto ya Mbivilia yosanĩte na ũtwi ũla ũkwenda kwĩka.—Sav 25:4.

ĨLOELEI VITIO YĨ NA KYONGO, NO NGINYA “TŨSEMBE NA WŨMĨĨSYO”—YA LĨU WA KWAKA, NA ĨNDĨ MŨISŨNGĨA MAKŨLYO AA MAATĨĨE:

• Nĩ maũndũ meva mwĩĩtu-a-asa ũsu wa mũika twoona vitionĩ wathingʼĩĩawʼa eke?

  Ũsũngĩo waku

• Syĩndũ sitũ sya kwĩka ũkunĩkĩli itonya kũũtetheesya ata yĩla wakomana na ũndũ ũilye wa mwĩĩtu-a-asa ũsu?

  Ũsũngĩo waku

• Tũtethekaa ata yĩla twoosa ĩvinda ya kwĩka ũkunĩkĩli na kwĩmanyĩsya ithyĩ ene kwa nzĩa ĩtonya kũtuma twĩka motwi maseo?—Avl 5:13, 14

  Ũsũngĩo waku