Matukũ 19-25, Mwei wa 2
SAVULI 8-10
Wathi 2 na Mboya | Ndeto sya Kwambĩĩa (Ndat. 1)
1. “Ngamũtũngĩa Yeova Mũvea”!
(Ndat. 10)
Yeova atwendete mũno (Sav 8:3-6; w21.08 3 ¶6)
Nĩtũmũtaĩaa kuma ngoonĩ kwa kũtavya ala angĩ ĩũlũ wa mawĩa make ma ũsengyʼo (Sav 9:1; w20.05 23 ¶10)
O na ĩngĩ, nĩtũmũtaĩaa ĩla twamwinĩa na ngoo yitũ yonthe (Sav 9:2; w22.04 7 ¶13)
ĨKŨLYE-Ĩ, ‘Nĩ maũndũ angĩ meva ndonya kwĩka nĩmũtaĩe Yeova?’
2. Ũthwii wa Kĩ-veva
(Ndat. 10)
-
Sav 8:3—We mũandĩki wa savuli oonanasya kyaũ yĩla wawetie syaa sya Ngai? (it-1 832)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 10:1-18 (th ĩsomo ya 11)
4. Kwambĩĩsya Ũneenanyʼa
(Ndat. 3) KŨTAVANYʼA NYŨMBA NA NYŨMBA. Mwene nyũmba akwĩa ndaĩkĩĩaa Ngai. (lmd ĩsomo ya 5 ũndũ wa 4)
5. Kũsyokea Ala Mekwendeewʼa
(Ndat. 4) KŨTAVANYʼA WĨ MAŨNDŨNĨ MAKU. Ũineena na mwene nyũmba ĩvinda ĩvĩtu, akũtavisye kana ndaĩkĩĩaa Ngai, ĩndĩ no ende kwĩka ũkunĩkĩli mwingangĩ ũkwonanyʼa kana kwĩ Mũmbi. (th ĩsomo ya 7)
6. Ũvoo
(Ndat. 5) w21.06 6-7 ¶15-18—Kyongo: Tetheesya Amanyĩwʼa Maku Mamũtaĩae Yeova. (th ĩsomo ya 10)
Wathi 10
7. Ũndũ Ũtonya Kumya Ũkũsĩ wĩ Mũthalĩku wĩ Maũndũnĩ Maku
(Ndat. 10) Ũneenanyʼa na ethukĩĩsya.
Ũndũ ũmwe tũtonya kwĩka tũmũtaĩe Yeova mũnango nĩ kwa kũtavasya ũvoo mũseo ala tũũkomana namo twĩ maũndũnĩ maitũ ma kĩla mũthenya. (Sav 35:28) Mbeenĩ, no twĩwʼe wia kũtavanyʼa twĩ maũndũnĩ maitũ. Ĩndĩ yĩla tweemanyĩsya kwambĩĩsya na kũendeesya ũneenanyʼa twĩ athalĩku, no twĩthĩwe na ũtũĩka wa kwĩka ũu na tũitanĩa!
Thaũka VITIO Ĩthĩawa Wĩyũmbanĩtye Kũtavanyʼa “Ũvoo Mũseo wa Mũuo”—Ambĩĩsya Ũneenanyʼa. Na ĩndĩ ũikũlya ethukĩĩsya:
Nĩ kyaũ weemanyĩsya vitionĩ kĩtonya kũũtetheesya wĩthĩwe na ũtũĩka wa kũtavanyʼa wĩ maũndũnĩ maku?
Vaa ĩtheo ve maũndũ mavũthũ matonya kũũtetheesya kwambĩĩsya ũneenanyʼa:
-
Kĩla ĩvinda wauma mũsyĩ, ĩthĩawa wĩ metho wone myanya ũtonya kũtũmĩa kwambĩĩsya ũneenanyʼa. Voya ĩũlũ wa ũndũ ũsu, na ũimũkũlya Yeova aũtetheesye ũkwate mũndũ ũtonya kwĩthukĩĩsya
-
Ĩthĩwa wĩ mũnyanya na ũyonyʼa andũ ala ũũkomana namo kana nũkwendeewʼa nĩmo. Tata ũmanye kaũndũ ĩũlũ wa mũndũ ũla wakomana nake, kala katonya kũũtetheesya kũmanya nĩ ũwʼo wĩva wĩ Mbivilianĩ ũtonya kũmwendeesya
-
Ethĩwa nĩvatonyeka, mũkũlye kana no mũkũane namba sya simũ
-
Ndũkakwʼe ngoo ethĩwa ũneenanyʼa wenyu wathela ũtamumĩsye ũkũsĩ
-
Sũanĩa ĩũlũ wake ĩtina wa ũneenanyʼa. Endeea kwonanyʼa kana nũkwendeewʼa nĩwe kwa kũmũtũmĩa link ya mũsoa mũna wĩ Mbivilianĩ, kana kĩlungu kĩna kĩ kĩsesenĩ kya jw.org
Tata kwĩka ũndũ ũũ: Ethĩwa mũndũ nĩwaũkũlya, ‘Wikendi yaku ĩnailye ata?,’ mũtavye ĩũlũ wa kaũndũ ũneemanyĩisye wĩ ũmbanonĩ kana ĩũlũ wa wĩa ũla ũtethasya wĩ mwalimũ wa Mbivilia.
8. Mavata ma Kĩkundi
(Ndat. 5)
9. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 6 ¶1-8, na ndeto sya kwambĩĩa kĩlungunĩ kya 2
