MWĨKALĨLE WA AKLĨSTO
Wendo Nĩw’o Ũvano wa Aklĩsto ma W’o—Sũvĩa Ngwatanĩo Nzeo Ĩla Twĩthĩawa Nayo
NĨKĨ NĨ ŨNDŨ WA VATA: Ũtukũ wa mũthya Yesũ atanamba kũkw’a, nĩwavoyie nĩ kana amanyĩw’a make “methĩwe eanĩu nthĩnĩ wa ũmwe [kana, me kĩndũ kĩmwe].” (Yoa 17:23) Nĩ kana twĩthĩwe na ngwatanĩo, no nginya twonany’e wendo, nũndũ wendo “ndũtalĩlaa ũthũku.”—1Ako 13:5.
ŨTONYA KWĨKA ŨU ATA?:
-
Atĩĩa ngelekany’o ya Yeova kwa kwonaa ũseo andũnĩ ala angĩ
-
Ekeaa kuma ngoonĩ
-
Ethĩwa nĩmwamina kũneenea ũndũ na mwana-a-asa na mwaekeanĩa, ndũkaumĩlye ũndũ ũsu ĩngĩ.—Nth 17:9
ĨLOELEI VITIO YĨ NA KYONGO, ‘ĨTHĨWAI NA WENDO INYW’Ĩ KWA INYW’Ĩ’—NDŨKATALE ŨTHŨKU, NA ĨNDĨ MŨISŨNGĨA MAKŨLYO AA MAATĨĨE:
-
Kalungunĩ ka mbee ka vitio, Helen oonany’a ata kana nĩwĩthĩĩtwe ‘aitala ũthũku’ kana maũndũ ala wĩkĩtwe?
-
Kalungunĩ ka kelĩ ka vitio, Helen oonany’a ata nĩwasinda mesilya mathũku na eethĩwa na woni mũseo?
-
Na mũthya, nĩ maũndũ meva Helen weeka matuma kĩkundi kĩthĩwa na ngwatanĩo?
Nũũ tũũmĩasya mũno yĩla twatala maũndũ mathũku ala twĩkĩtwe?
