MAŨNDŨ MA VATA KUMA NDETONĨ YA NGAI | KUMA 33-34
Nguma sya Yeova sya Kwendeesya
34:5-7
Mose nĩweesĩ nguma sya Yeova na kĩu nĩkyamũtetheeisye kwĩkalany’a na Aisilaeli nesa. O naitũ twaelewa nesa nguma sya Yeova tũkekalanasya nesa na ana-a-asa maitũ.
-
‘E tei na ũseo’: Yeova nũsũvĩaa na kũthĩnĩkĩa athaithi make o tondũ asyai mekaa syana syoo
-
‘Ndathataa mĩtũkĩ’: Yeova nũmomĩĩasya athũkũmi make, na nũndũ nĩwĩsĩ nĩmethĩawa na mawonzu nũmanengae ĩvinda mavĩndũke
-
‘E wingĩ wa ũseo wĩ wendo na w’o’: Nũndũ Yeova e ũseo wĩ wendo, ngwatanĩo yake na athũkũmi make ĩkekalaa tene na tene
ĨKŨLYE-Ĩ, ‘Ndonya ata kũatĩĩa nguma ya Yeova ya tei na ũseo?’
