Ngũsĩ sya Yeova methĩawa na kĩanda kya mwanya mũno. Yĩla tweeyumya na twavatiswa, nĩtwĩkĩaa kĩthito tũendeee kwĩthĩwa na ngwatanĩo ndũmu na Mwĩaĩi Mũsumbĩ Mũnene Yeova. Nũtũkusĩtye kwake kwĩsĩla Mwana wake. (Yoa 6:44) O na nĩwĩthukĩĩasya mboya sitũ.​—Sav 34:15.

Tũtonya kwĩka ata tũsũvĩe ngwatanĩo ya mwanya ĩla twĩ nayo vamwe na Ngai? Nĩtwaĩle kwĩvathana na kwĩka naĩ ta ila Aisilaeli meekie. Ĩtina wa kavinda kanini mamina kwĩka ũtianĩo na Yeova, nĩmaseũvisye kasaũ ka thaavu na mambĩĩa kũkathaitha. (Kuma 32:7, 8; 1Ko 10:7, 11, 14) No twĩkũlye-ĩ: ‘Nyie nĩkaa ata yĩla nakomana na ĩtatwa? Meko makwa nĩmonanasya kana nĩnonaa ngwatanĩo yakwa na Yeova yĩ ya vata?’ Kũmwenda Ĩthe witũ wa ĩtunĩ vyũ kũkatũtetheeasya kwĩvathana na maũndũ ala we ũmenete.​—Sav 97:10.

ĨLOELEI VITIO YĨ NA KYONGO, SŨVĨA NGWATANĨO YAKU NA YEOVA (AKO 3:⁠5), NA ĨNDĨ MŨISŨNGĨA MAKŨLYO AA:

• Ĩtomo nĩ kyaũ?

• Nĩkĩ twaĩle kwĩvathana na ĩtomo na kũthaitha ngai sya mĩvw’anano?

• Ũlaalai na ũthaithi wa mĩvw’anano ikonanĩtye ata?

• Nĩkĩ mũno mũno ala me na ianda ũseũvyonĩ maĩle kũĩkĩĩthya nĩmeanĩsya mavata ma ũla matwaanĩte nake?