Eĩtu-a-asa nĩmeanĩasya maũndũ maingĩ mũno wĩanĩ wa Ũsumbĩ. (Sav 68:11) Kwa ngelekany’o, nĩmamanyĩasya andũ aingĩ Mbivilia na mavainia aingĩ ma kĩla ĩvinda nĩ eĩtu-a-asa. Eĩtu-a-asa ngili mbingĩ nĩmathũkũmaa Mbetheli, angĩ nĩ amisonalĩ, nĩmeyumasya kũtetheesya kwaka myako ya Ũsumbĩ, na angĩ nĩ aalyũli. Eĩtu-a-asa aimu kĩ-veva nĩmekĩaa vinya andũ mĩsyĩnĩ yoo, o na ikundinĩ syoo. (Nth 14:1) O na kau eĩtu-a-asa maitonya kũtw’ĩka atumĩa kana atetheesya ma kĩkundi, no meanĩsye maũndũ mana kĩkundinĩ. Ethĩwa we wĩ mwĩĩtu-a-asa, nĩ kwa nzĩa ta syĩva ũtonya kwongelanga ũthũkũmi waku?

• Ĩkĩa kĩthito wĩthĩwe na nguma sya Kĩklĩsto.—1Ti 3:11; 1Vt 3:3-6

• Tetheesya eĩtu-a-asa kĩkundinĩ kyenyu ala mate na ũtũĩka mwingĩ.—Tit 2:3-5

• Seũvĩĩsya nzĩa syaku sya kũtavany’a na ũyongelanga ĩvinda yĩla ũtũmĩaa ũtavany’anĩ

• Ĩmanyĩsye kĩthyomo kĩngĩ

• Thamĩĩa kũla kwĩ na vata mũnene wa atavany’a

• Usũsya vomu ya kũthi Mbetheli kana kũtetheesya kwaka myako ya Ũsumbĩ

• Usũsya vomu ya kũthi Sukulu ya Atavany’a ma Ũsumbĩ

ĨLOELEI VITIO YĨ NA KYONGO, “AKA ALA MATETHASYA WĨA NA KĨTHITO NTHĨNĨ WA MWĨAĨI,” NA ĨNDĨ MŨISŨNGĨA ĨKŨLYO YĨĨ:

• Maelesyo ma eĩtu-a-asa asu makwĩkĩa vinya ata?