Ĩvuku ya Nthimo kĩlungu kya 31 yĩ na ũvoo wa vata na mũito mũno ũla Mũsumbĩ Lemueli wataviw’e nĩ inyia wake. Motao asu wataviw’e nĩ inyia wake maaĩle kũmũtetheesya kũmanya ũndũ kĩveti kĩseo kĩthĩawa kĩilyĩ.

31:10-12

• Nĩkyumasya mawoni maĩle ĩũlũ wa motwi mana ala maĩle kwĩkwa nthĩnĩ wa mũsyĩ, na kĩkaa ũu kĩnyivĩtye

• Mũũme wakyo nĩwĩthĩawa esĩ kana nĩkĩkaa motwi maseo, na ndendaa kĩkamũkũlasya kĩla ũndũ kĩkwenda kwĩka

31:13-27

• Nĩkĩthĩawa kĩsĩ kũtũmĩa syĩndũ nesa, na nĩkĩvangaa maũndũ kwosana na ũkwati ũla me naw’o, nĩ kana kĩ na andũ ma mũsyĩ wakyo mekĩe ngũa nzeo, syĩ na ndaĩa, na maikwata lĩu wĩanĩtye

• Nĩkĩthũkũmaa na kĩthito nĩ kana kĩsũvĩe mũsyĩ wakyo kĩla ĩvinda

31:30

• Nĩkĩmũkĩĩte Ngai na nĩkĩkaa kyonthe kĩla kĩtonya nĩ kana kĩthĩwe na ngwatanĩo nzeo nake