MWĨKALĨLE WA AKLĨSTO
Yeova Nĩwĩsĩ Kĩla twĩ na Vata Nakyo
Ngombo ndĩkĩĩku na mbũĩ nĩtũnengae lĩu “ĩvinda yĩla yaĩle,” kwonany’a kana Yeova, ũla ũtongoesye ngombo ĩsu, nĩwĩsĩ mavata maitũ ma kĩ-veva. (Mt 24:45) Maũndũ amwe maĩkĩĩthasya ũu nĩ maũmbano manene ma mĩthenya ĩtatũ na maũmbano ma katĩkatĩ wa kyumwa.
ĨLOELEI VITIO YĨ NA KYONGO, LIVOTI YA KAMITII YA ŨMANYĨSYA YA 2017, NA ĨNDĨ MŨISŨNGĨA MAKŨLYO AA MAATĨĨE:
-
Nũũ waĩle kũtaĩwa nũndũ wa maũmbano manene ma mĩthenya ĩtatũ ala tũtanĩaa, na nĩkĩ?
-
Ũmbano mũnene wa mĩthenya ĩtatũ wambĩĩaa kũmbanw’a ĩndĩĩ?
-
Syongo sya ũmbano mũnene inyuvawa ata?
-
Maũmbano manene mombanaw’a ata?
-
Nzĩa sya kwĩmanyĩsya ila itũmĩawa Ngileati itũmĩawa ata kũandĩka maũndũ ala twĩmanyĩasya maũmbanonĩ ma katĩkatĩ wa kyumwa?
-
Nĩ kwa nzĩa syĩva mĩvĩa yĩ kĩvathũkany’o ĩthũkũmaa vamwe kũmbany’a kavuku ka kwĩmanyĩsya ka ũmbano?
Wĩw’aa ata yĩla woona syĩndũ ila Yeova ũtũnengete nĩ kana tũendeee kwĩthĩwa na mũĩkĩĩo mũlũmu?
