MWĨKALĨLE WA AKLĨSTO
Ũndũ Tũtonya Kwĩthĩwa Atavany’a Aseo—Kũtavany’a na Simũ
NĨKĨ NĨ ŨNDŨ WA VATA: Kũtavany’a na simũ nĩ nzĩa ĩmwe nzeo ya “kumya ũkũsĩ mwĩanĩu ĩũlũ wa ũvoo mũseo.” (Mek 20:24) * Nĩtũtetheeasya kũtavya andũ ũvoo mũseo yĩla ve maũndũ mateũtwĩtĩkĩlya kũmathokea.
ŨTONYA KWĨKA ŨU ATA?
-
Ĩyũmbany’e. Nyuva kyongo wĩsĩ nĩkyendeeasya andũ mũno. Na ĩndĩ ũyĩandĩka o kwa ũkuvĩ maũndũ ala ũkwenda kũneenea. Ĩthĩwa wĩyũmbanĩtye nĩ kana wĩthĩwe na ũtũmane ũtonya kũtia simũnĩ wakosa ũla ũũkũnĩaa. Nũseo wĩthĩwe na syĩndũ syonthe ila ũkwenda kũtũmĩa vakuvĩ, ta simũ ũvingũĩte JW Library® kana jw.org®
-
Ĩthĩwa ũuĩtye. Neena o ũndũ ũneenaa. Ĩthĩwa wĩ mũtanu na ũineena o ũndũ ũtonya kũneena keka nĩmwenene. Ndũkavindasye vate kĩtumi ndakone ta watila simũ. Nũseo wĩthĩwe na mũndũ ũngĩ ũitavany’a na nzĩa ĩĩ. Ethĩwa mwene nyũmba nĩwakũlya ĩkũlyo, yĩtũngĩlĩĩle na wasya mũnene nĩ kana ũla mũũtavany’a ĩmwe aũtetheesye kũkwata ũsũngĩo
-
Weta kĩla mũkaneenea ĩla ĩngĩ. Mwene nyũmba endeew’a no ũtie ĩkũlyo mwĩneenea ĩla ĩngĩ wamũkũnĩa simũ. No ũmũtũmĩe ĩvuku ũtũmĩĩte e-mail, ũkamũtwaĩa we mwene, kana ũkamũtũmĩa na simũ. O na no ũmũtũmĩe vitio imwe sitũ ũtũmĩĩte mesengyi kana e-mail. Ethĩwa nĩvaĩle, tavya mwene nyũmba ĩũlũ wa ũvoo mũna wĩ kĩsesenĩ kitũ
^ kal. 3 Ethĩwa kĩsionĩ kyenyu no mũtavany’e na simũ mwaĩle kwĩka ũu kwosana na mĩao ĩla yĩkĩĩtwe ĩũlũ wa kũnengane ũvoo.
