MAŨNDŨ MA VATA KUMA NDETONĨ YA NGAI | ISAIA 1-5
“Twambate Kĩĩmanĩ kya Yeova”
2:2, 3
|
‘Mĩthenyanĩ ya mũminũkĩlyo’ |
Ĩvindanĩ yĩĩ tũilyĩ |
|
“Kĩĩma kĩ nyũmba ya Yeova” |
Ũthaithi wa w’o wa Yeova ũla wĩ ĩũlũ wa mothaithi ala angĩ onthe |
|
“Mbaĩ syonthe ikakĩendeaa” |
Ala mendete ũthaithi wa w’o mombanaa vamwe me ngwatanĩo |
|
“Ũkai inyw’ĩ, twambate kĩĩmanĩ kya Yeova” |
Athaithi ma w’o nĩmathokasya angĩ mathaithe ĩmwe |
|
“Nake akatũmanyĩsya nzĩa syake, na tũkaendaa nzĩanĩ syake” |
Atũmĩĩte Ndeto yake, Yeova nũtũmanyĩasya na akatũtetheesya kũendaa nzĩanĩ syake |
2:4
|
“O na itikemanyĩsya kaũ ĩngĩ” |
Isaia nĩwaeleisye kana mĩio ya kaũ ĩkatw’ĩkĩthw’a mĩio ya nĩma, na ũu woonanasya kana andũ ma Yeova makeethĩwa me andũ ma mũuo. Mĩio ĩsu ya kaũ yaĩ yĩkũ ĩvindanĩ ya Isaia? |
|
‘Mbyũ syoo ikatw’ĩkĩthw’a mĩthya ya maembe ma ng’ombe’ |
Mĩthya ya maembe ma ng’ombe yaĩ kĩlungu kya mũlaũ kĩla kyatũmĩawa kũĩma. Ĩmwe yaseũvaw’a na kyũma.—1Sa 13:20 |
|
“Matumo moo [makatw’ĩkĩthw’a] tũvyũ twĩ ngoto twa kũsea” |
Nĩvatonyeka tũvyũ twĩ ngoto twa kũsea tũkethĩwa twailyĩ ta sikũũ kana mũng’ei ũla waseũvaw’a na kyũma na ũyĩathĩĩwa kĩkwati. Mũio ũũ watũmĩawa kũtw’a nzavivũ.—Isa 18:5 |
