NĨKĨ NĨ ŨNDŨ WA VATA: Yeova nĩwe ũtumaa mbeũ sya ũla w’o syĩana ngoonĩ sya ala me na ngoo nzeo. (1Ako 3:7) Twonanasya nĩtũũtethya wĩa vamwe nake yĩla tweekĩa kĩthito kũmanyĩsya ala meyũmbanĩtye kũatĩĩa kĩla mekwĩmanyĩsya. (1Ako 9:26) Amanyĩw’a ma Mbivilia nĩmaĩle kũelewa kana kũvatiswa nĩ kwa vata nĩ kana metangĩĩwa. (1Vet 3:21) Nĩ kana tũmatetheesye matw’ĩke amanyĩw’a nĩtwaĩle kũmatetheesya kwĩka moalyũku, kũtavany’a na kũmanyĩsya, na kwĩyumya mamũthũkũmae Yeova.—Mt 28:19, 20.

ŨTONYA KWĨKA ŨU ATA?

• Lilikany’a amanyĩw’a ma Mbivilia kana kĩeleelo kya kwĩmanyĩsya nĩ kũmatetheesya ‘mamũmanye’ Yeova na maimwendeesya.—Yoa 17:3

• Matetheesye mamanye ũndũ matonya kũsinda imanyĩo nthũku na kwĩvathana na itindo itaĩle nĩ kana meke maendeeo ma kĩ-veva

• Mekĩe vinya matanamba kũvatiswa na mamina kũvatiswa.—Meko 14:22

ĨLOELEI VITIO YĨ NA KYONGO, YEOVA NGAI AKAŨTETHEESYA, NA ĨNDĨ MŨISŨNGĨA MAKŨLYO AA:

• Nĩ maũndũ ta meva matonya kũtuma mũndũ akĩa kwĩyumya na kũvatiswa?

• Atumĩa matonya kũtetheesya amanyĩw’a ma Mbivilia ata meke maendeeo ma kĩ-veva?

• Ĩandĩko ya Isaia 41:10 yĩtũmanyĩsya kyaũ ĩũlũ wa Yeova?

• Nĩ ndaĩa syĩva itonya kũtũtetheesya kũmũthũkũma Yeova nesa o na kau twĩ ene naĩ?