MAŨNDŨ MA VATA KUMA NDETONĨ YA NGAI | ALIVAI 12-13
Ĩmanyĩsye Kumana na Mĩao Ĩũlũ wa Ũwau wa Mangũ
13:4, 5, 45, 46, 52, 57
Twĩĩmanyĩsya kyaũ ĩũlũ wa kũsũvĩa ngwatanĩo yitũ na Yeova twasũanĩa mĩao ĩla wanenganĩte ĩkonetye ũwau wa mangũ?
-
Yeova nĩwamanyĩĩtye athembi ũndũ matonya kũmanya na mĩtũkĩ mũndũ wĩ na ũwau wa mangũ. Ũmũnthĩ, aĩthi Aklĩsto nĩmethĩawa me metho kũmanya na mĩtũkĩ mũndũ ũla ũkwenda kũtetheew’a kĩ-veva.—Yak 5:14, 15
-
Aisilaeli nĩmaaĩle kwananga syĩndũ syonthe ila syaĩ mbuku nĩ kana maikakwatw’e ũwau wa mangũ. O namo Aklĩsto nĩmaĩle kwĩthĩwa meyũmbanĩtye kwĩvathana na kĩndũ o na ethĩwa nĩ kya vata vandũ va kũeka kĩtume malika naĩnĩ. (Mt 18:8, 9) Syĩndũ isu nĩ ta, imanyĩo maneethĩawa nasyo, anyanya, kana syĩndũ sya kwĩtanĩthya
Mũklĩsto atonya kwonany’a ata kana nũkwenda vyũ kũtetheew’a nĩ Yeova?
