Kuma mwaka wa 2018, kĩla ĩkaseti ya andũ onthe ya Mũsyaĩĩsya yĩthĩawa yĩneeneete kyongo kĩmwe. Makaseti asu onthe nĩ amwe katĩ wa syĩndũ ila tũtũmĩaa mũno kũmanyĩsya. Kwoou no tũmatũmĩe ũtavany’anĩ. O na no tũkue makaseti o manini yĩla twĩ savalĩnĩ, kana tũendete kũthooa syĩndũ. O na kau tũyĩmanyĩasya na andũ Mbivilia tũtũmĩĩte makaseti, nĩmatumaa mũndũ enda kwambĩĩa kwĩmasyĩsya ĩũlũ wa Ngai.

Ĩtina wa kwambĩĩa ũneenany’a na mũndũ, mwony’e ĩandĩko, na ũiweta ũndũ wĩ ĩkasetinĩ ũtonya kũmwendeesya. Kwa ngelekany’o, ethĩwa wĩneena na mũndũ wĩ na mũsyĩ, kana mũndũ wĩmakĩĩte, no wasye: “Nĩnĩnasomie ũndũ mũseo mũno ĩkasetinĩ yĩĩ. No ngwony’e?” Woona nĩ ta ũkwendeew’a no ũmũnenge ĩkaseti yĩu, kana ũkamũtũmĩa simũnĩ, o na ethĩwa no ĩndĩ wamũtavya ya mbee. O na kau kĩeleelo kitũ kĩnene ti kũnengane mavuku, makaseti no matũtetheesye kũmantha ala me na ngoo nzeo.​—Mek 13:⁠48.