We wĩ mũthũkũmi wa ĩvinda yonthe wĩ na myaka katĩ wa 23 na 65? Wĩ na ũima wa mwĩĩ, na no wĩyumye kũthi kũtavany’a kĩsionĩ kĩ na vata mũnene wa atavany’a? Ethĩwa ũsũngĩo waku nĩ ĩĩ, nĩwusũĩtye vomu ya kũthi Sukulu ya Atavany’a ma Ũsumbĩ? Kuma yĩla sukulu ĩsu yambĩĩw’e, ana-a-asa na eĩtu-a-asa matwaanĩte, ana-a-asa matatwaanĩte na eĩtu-a-asa mate atwae ngili mbingĩ, nĩmausũĩtye vomu. Ĩndĩ o na ũu wĩ o vo, nĩtũkwenda ana-a-asa aingĩ matatwaanĩte mausũsye. Mũvoye Yeova aũtetheesye wĩthĩwe na wendi mwingangĩ wa kũmwendeesya na kũatĩĩa ngelekany’o ya Mwana wake. (Sav 40:8; Mt 20:28; Avl 10:⁠7) Na ĩndĩ ũisisya wone ũndũ ũtonya kũolanga maũndũ maku nĩ kana wĩthĩwe ũtonya kũthi sukulu ĩsu.

Ala mamina sukulu ĩsu manengawe ianda ta syĩva ũthũkũminĩ wa Yeova? Amwe nĩmatũmawa makatavany’e isionĩ ineenawa kĩthyomo kĩngĩ, kana taoninĩ ila nene. Angĩ nĩmatũmawa ta asyaĩĩsya ma mũthyũlũlũko ma kũtetheesya, asyaĩĩsya ma mũthyũlũlũko, kana amisonalĩ. O ũendeee kũsũanĩa ũndũ ũtonya kũmũthũkũma Yeova mũnango, vindĩĩsya ndeto ii sya mwathani Isaia: “Ninyioo; ndũma nyie.”​—Isa 6:⁠8.

ĨLOELEI VITIO YĨ NA KYONGO, AMISONALĨ NĨMATETHASYA WĨA WA KŨKETHA, NA ĨNDĨ MŨISŨNGĨA MAKŨLYO AA:

• Amisonalĩ manyuvawa ata?

• Amisonalĩ matethasya wĩa wĩva mũseo?

• Amisonalĩ makwataa moathimo meva?