MWĨKALĨLE WA AKLĨSTO
Thokya Andũ Onthe Kĩsionĩ Kyenyu Ũmbanonĩ wa Kũlilikana Kĩkw’ũ kya Yesũ!
Kambeini ya kũthokya andũ kwondũ wa kũlilikana kĩkw’ũ kya Yesũ ĩkambĩĩa Matukũ 27, Mwei wa 2, na tũkathokya andũ aingĩ ũndũ vatonyeka. O na nĩtwaĩle kwĩthĩwa twĩ metho mũno nĩ kana tũmanye ala mekwendeew’a, na tũimasyokea.
ŨNDŨ ŨTONYA KWĨKA
MŨTAVYE KĨTUMI KYA KŨMŨTHOKEA
“Twĩnengae andũ kathangũ kaa ka kũmathokya ũmbanonĩ wa vata mũno. Matukũ 23, Mwei wa 3, andũ milioni mbingĩ ĩũlũ wa nthĩ makoombana vamwe nĩ kana malilikane kĩkw’ũ kya Yesũ Klĩsto na mayĩthukĩĩsya ũvoo wa Mbivilia vate ndĩvi, ũla ũkaneenea ũndũ kĩkw’ũ kya Yesũ kĩtũtethasya. Kathangũ kaa nĩkakwonetye saa na vala ũmbano ũsu ũkekĩwa. Ethĩwa nũkakwata mwanya, wĩmũthokye.”
Ethĩwa mũndũ ũsu nĩwendeew’a . . .
-
MŨNENGE ĨKASETI YA MŨSYAĨĨSYA
Mũtavye kĩla mwĩneenea wasyoka.
-
MWONY’E VITIO YA KŨLILIKANA KĨKW’Ũ KYA YESŨ
Mũtavye kĩla mwĩneenea wasyoka.
Wamũsyokea, no . . .
-
ŨMWONY’E VITIO NĨKĨ WAĨLE KWĨMANYĨSYA MBIVILIA?
Na ĩndĩ ũimũnenga ĩvuku ya kwĩmanyĩsya Mbivilia.
-
ŨMŨNENGE ĨVUKU MBIVILIA YO ĨMANYĨASYA ATA?
Neeneai maũndũ maingangĩ ĩũlũ wa kũlilikana kĩkw’ũ kya Yesũ ũtũmĩĩte ũvoo ũla wĩ ĩthangũnĩ ya 206-208. Na ĩndĩ ũimũnenga ĩvuku yĩu.
-
ŨMŨNENGE MBULOSUA MWĨTHUKĨĨSYE NGAI
Neeneai ĩũlũ wa kĩkw’ũ kya Yesũ ũtũmĩĩte ũvoo ũla wĩ ĩthangũnĩ ya 18-19. Na ĩndĩ ũimũnenga mbulosua ĩno.
