MWĨKALĨLE WA AKLĨSTO

Tetheesya Syana Syaku Iĩkĩĩe Vyũ Kana kwĩ Mũmbi

THAŨKA

Wũmbi nũmũtaĩaa Yeova. (Sav 19:1-4; 139:14) Ĩndĩ nthĩ ĩno ya Ndevili ĩmanyĩasya momanyĩsyo matamũnengae Ngai ndaĩa ĩũlũ wa vala thayũ waumie. (Alo 1:18-25) Ũtonya kũsũvĩa syana syaku ata nĩ kana iikekĩe momanyĩsyo asu ilĩkonĩ na ngoonĩ syoo? Itetheesye kuma syĩ nini iĩkĩĩe kana Yeova e kw’o na nũisũvĩaa. (2Ako 10:4, 5; Aev 6:16) Ikũlye makũlyo ũmanye woni wasyo ĩũlũ wa maũndũ ala imanyĩaw’a sukulu, na ũitũmĩa syĩndũ ila syĩ ũseũvyonĩ wa Yeova nĩ kana ũitetheesye.—Nth 20:5; Yak 1:19.

ĨLOELEI VITIO ŨNDŨ ANDŨ ANGĨ MA MŨIKA MAASYA—KŨĨKĨĨA KANA KWĨ NGAI, NA MŨINEENEA MAKŨLYO AA MAATĨĨE:

Nĩ woni wĩva andũ aingĩ methĩawa naw’o ĩũlũ wa Ngai?
Mũmanyĩaw’a ata sukulu?
Nĩ kyaũ kĩkũĩkĩĩthasya kana Yeova e kw’o?
Ũtonya kũtetheesya mũndũ ata amanye kana Ngai nĩwe woombie syĩndũ syonthe?

SYĨNDŨ INGĨ ŨTONYA KŨTŨMĨA:

• Ilungu ila syĩ Kĩsesenĩ kya JW.ORG/KAM syĩ na kyongo “Masomo Makwa ma Mbivilia” (Syana itavĩtũkĩte myaka 3)

• Vitio Ĩthĩwa wĩ Mũnyanya wa Yeova—“Yeova Nĩwe Woombie Syĩndũ Syonthe”

• Ilungu sya ĩkaseti ya Amkeni! ila syĩthĩawa na kyongo “Je, Ni Kazi ya Ubuni?”

• Kĩlungu kĩ na makũlyo kĩ Kĩsesenĩ kya JW.ORG/KAM, “Nĩkĩ Nĩĩkĩĩaa Kana kwĩ Ngai?”

• Ilungu syĩ Kĩsesenĩ kya JW.ORG/KAM syĩ na kyongo “Syĩndũ Nĩsyoombiwe Kana Syeekie Kwĩyumĩlya?” (ilungu inya)

• Ilungu sya vitio syĩ nthĩnĩ wa JW Broadcasting syĩ na kyongo “Maoni Kuhusu Chanzo cha Uhai”

• Vitio yĩ na kyongo Maajabu ya Uumbaji Yanafunua Utukufu wa Mungu

• Mbulosua Uhai—Ulitokana na Muumba?

• Ĩvuku Je, Kuna Muumba Anayekujali?

No Wendeewʼe Nĩ Ii

ANDŨ MA MŨIKA MAKŨLASYA

Syĩndũ Syeekie Kũmbwa kana Syeekie Kwĩyumĩlya?—Kĩlungu kya 1: Nĩkĩ Waĩle Kũĩkĩĩa kana kwĩ Ngai?

We no wende kwĩthĩwa na ũkũmbaũ wa kũelesya angĩ nĩkĩ ũĩkĩĩaa kwĩ Ngai? Manya tũmaũndũ tũtonya kũũtethya kũsũngĩa mũndũ ũkũũkũlya nĩkĩ ũĩkĩĩaa ũu.

KAVUKU KA KWĨMANYĨSYA KA ŨMBANO