Vatiele ĩvinda ĩkuvĩ sikũkũ ya Vasaka ya 32 ĩtina wa Klĩsto ĩvike, Yesũ nĩweekie kyama, na kyama kĩu kĩ kyoka nokyo kyaandĩkiwe nĩ aandĩki onthe me ana ma mavuku ma Ũvoo Mũseo.

Ĩla Yesũ weekie kyama kĩu, nĩwoonanisye maũndũ ala ũkaendeea kwĩka kũvika ũmũnthĩ.

14:16-21

• Yesũ eeĩaĩe amanyĩw’a make maĩthye makomano, o na kau maĩ o na imũtũ itano na makũyũ elĩ

• Yesũ nĩwoosie imũtũ isu na makũyũ, na ĩtina wa kũvoya, amaaĩa amanyĩw’a make, namo amanyĩw’a manenga ĩkomano

• Kwa nzĩa ya kyama, andũ nĩmaĩe lĩu nginya watiala. Kwoou, Yesũ nĩwaĩthisye andũ ngili mbingĩ atũmĩĩte o andũ avũthũ, namo nĩ amanyĩw’a make

• Yesũ nĩwathanie kana mĩthenyanĩ ya mũminũkĩlyo akanyuva kĩkundi kĩla kĩkanenganae lĩu wa kĩ-veva “ĩvinda yaw’o.”—Mt 24:45

• Mwaka wa 1919, Yesũ nĩwanyuvie “ngombo yĩ na kĩthito na mbũĩ,” ĩla nĩ kĩkundi kĩnini kya aũme metĩkĩw’e mauta. Kĩkundi kĩu nĩkyo kĩnengae andũ ma “nyũmba yake” lĩu wa kĩ-veva

• Kwĩsĩla kĩkundi kĩu kĩnini kya etĩkĩw’a mauta, Yesũ nĩwĩkaa o ũndũ weekie e kũũ nthĩ kwa kũĩthya andũ aingĩ atũmĩĩte andũ anini

Ndonya kwonany’a ata kana nĩnĩsĩ kĩkundi kĩla Yesũ ũtũmĩaa kũĩthya andũ kĩ-veva, na nĩnĩkĩnengae ndaĩa?