MAŨNDŨ MA VATA KUMA NDETONĨ YA NGAI | MATHAYO 18-19
Ĩsũvĩe Ndũkeke Maũndũ Matonya Kũũlulutĩkya Kana Makalulutĩkya Angĩ
Yesũ atũmie ngelekany’o kũmanyĩsya ũito wa kwĩka maũndũ matonya kũũlulutĩkya kana makalulutĩkya andũ angĩ.
-
Ndeto “ũlulutĩkyo” yonanasya kwĩka ũndũ ũtonya kũtuma mũndũ aatĩĩa nzĩa ĩtaĩle kana alika naĩnĩ.
-
Nĩ kavaa mũndũ ũla ũtumaa mũndũ ũngĩ alulutĩka akoveewa ngingonĩ ĩvia ĩnene ya ũthia, na ayĩkw’a ũkanganĩ
Ĩvia ĩnene ya ũthia
-
Yesũ atavisye aatĩĩi make mavetange kĩndũ kyonthe kĩla kĩtonya kũmalulutĩkya, o na ethĩwa kĩndũ kĩu nĩ kya vata ta kw’oko kana itho
-
Wĩthĩwa wĩ ũndũ mũseo kũekana na kĩndũ twonaa kĩ kya vata na tũilika Ũsumbĩnĩ wa Ngai, vandũ va kũendeea kwĩthĩwa nakyo na tũyĩsa kũlika Ngienanĩ, kana kwanangwa tene na tene
Nĩ ũndũ wĩva nĩkaa ũtonya kũtuma nĩlulutĩka kana ũkatuma andũ angĩ malulutĩka, na ndonya kwĩka ata nĩ kana ndikalulutĩke kana ndikalulutĩkye andũ angĩ?
