NĨKĨ NĨ ŨNDŨ WA VATA: Andũ no nginya mekaĩle ĩsyĩtwa ya Yeova nĩ kana metangĩĩwa. (Alo 10:13, 14) Ĩndĩ o na ũu wĩ o vo, ti onthe metĩkĩlaa kwĩmanyĩsya Mbivilia maatĩĩaa kĩla meemanyĩsya. Kwoou nĩtwaĩlĩte kũtũmĩa ĩvinda yitũ nesa tũitetheesya ala mekwenda kwĩka moalyũku nĩ kana mamwendeesye Yeova. Ethĩwa ĩtina wa ĩvinda mũmanyĩw’a wa Mbivilia ndekwĩka moalyũku, nĩtwaĩlĩte kũeka kwĩmanyĩsya nake kwa ũĩ, na tũitetheesya ala Yeova ũkusĩtye moke kwake na ũseũvyonĩ wake. (Yoa 6:44) Ĩndĩ ĩtina wa ĩvinda mũmanyĩw’a wa Mbivilia ũla twaũngamisye kwĩmanyĩsya nake akeka moalyũku ala mekwonany’a e na “ngoo nzeo kwondũ wa thayũ wa tene na tene,” no twambĩĩe ĩngĩ kwĩmanyĩsya Mbivilia nake.—Mek 13:48.

ŨTONYA KWĨKA ŨU ATA?:

• Mũkathe mũmanyĩw’a waku wa Mbivilia nũndũ wa mea make ma kwenda kũmanya ũla w’o.—1Ti 2:4

• Mũelesye vata wa mũndũ kũatĩĩa kĩla ũkwĩmanyĩsya.—Luk 6:46-49

• Neeneai o kwa nzĩa nzeo ngelekany’o ya Yesũ ya ũla mũvandi, na ũimũkũlya asũanĩĩe nĩ kyaũ kĩtonya kwĩthĩwa kĩimũsiĩĩa kwĩka maendeeo.—Mt 13:18-23

• Mũelesye o nesa nĩkĩ ũkũũngamya kwĩmanyĩsya nake

• Mũtavye kana ũkamũthokeaa mavinda kwa mavinda, na kana eeka moalyũku no mũsyokee kwĩmanyĩsya

ĨLOELEI VITIO NA ĨNDĨ MŨISŨNGĨA MAKŨLYO AA:

• Woona kyaũ vitionĩ kĩla kĩkwonany’a kana mũmanyĩw’a ũsu wa Mbivilia ndekĩte maendeeo?

• Mũtavany’a ũsu atetheesya mũmanyĩw’a wake wa Mbivilia ata oona vata wa kwĩka moalyũku?

• Mũtavany’a ũsu eeka ata nĩ kana mũmanyĩw’a amanye mwanya wĩ o vo wa kwĩmanyĩsya ĩngĩ ĩvinda yũkĩte eeka moalyũku?