MAŨNDŨ MA VATA KUMA NDETONĨ YA NGAI | ALOMI 9-11
Ngelekany’o ya Mũtĩ wa Mũthata
Ilungu syĩ kĩvathũkany’o sya mũtĩ wa ngelekany’o wa mũthata syonanasya kyaũ?
-
Mũtĩ wa mũthata: wonanasya kwĩanĩa kwa kĩla Yeova wavangĩte kwĩanĩsya kwĩsĩla ũtianĩo ũla weekie na Avalaamu
-
Mũthamba wa mũthata: nĩ Yesũ Klĩsto ũla nĩwe kĩlungu kya mbee kya ũsyao wa Avalaamu
-
Mbonge: nĩ ala Aklĩsto etĩkĩw’a mauta 144,000 ala me kĩlungunĩ kya kelĩ kya ũsyao wa Avalaamu
-
Mbonge ila ‘syatililwe’: nĩ Ayuti ala mamũleile Yesũ
-
Mbonge ila ‘syasinganiw’e’: nĩ Aklĩsto etĩkĩw’a mauta kuma mbaĩnĩ ingĩ
O tondũ kwathaniwe, ũsyao wa Avalaamu, ũla nĩ Yesũ na ala Aklĩsto 144,000, ũkaetee “andũ ma mbaĩ ingĩ” moathimo maingĩ.—Alo 11:12; Mwa 22:18
Nĩĩmanyĩsya kyaũ ĩũlũ wa Yeova kumana na ũndũ weanĩisye kĩeleelo kyake kwelekela ũsyao wa Avalaamu?
