MAŨNDŨ MA VATA KUMA NDETONĨ YA NGAI | YOVU 6-10
Yovu Aielesya Mathĩna Make
Yovu aĩ anathelelwa nĩ malĩ ĩla waĩ nayo, akethĩwa na kyeva kingĩ, na aĩ na ũwau mũthũku mũno. Ĩndĩ o na ũu wĩ o vo, aendeeie kwĩthĩwa e mũĩkĩĩku. Kwoou Satani nĩwatwie kũmũaa ngoo nĩ kana ndakethĩwe e mũĩkĩĩku kwa Yeova. Aendeee na kũng’ang’ana na mathĩna, “anyanyae” atatũ nĩmookie. Ũndũ ũla wa mbee meekie nĩ kwĩyonany’a kana nĩmekwĩw’ĩa Yovu tei. Na ĩndĩ mekala na Yovu kwa mĩthenya mũonza mateũneena, o na mayaamũtavya ndeto o na ĩmwe ĩmũkiakisya. Ĩla mambĩĩie kũneena, mamũtavisye ndeto sya kũmũtũla ngoo.
Yovu nĩwaendeeie kwĩthĩwa e mũĩkĩĩku kwa Yeova o na kau aĩ na mathĩna maingĩ
-
Kyeva kingĩ kĩla kyamũkwatie Yovu nĩkyatumie ethĩwa na mawoni mataĩle. Nũndũ ndaeleawa vala mathĩna make maumĩte, ambĩĩie kwona Ngai ta ũtoonaa mũĩkĩĩo wake wĩ wa vata
-
Nũndũ nĩwakw’ĩte ngoo, Yovu ndasũanĩaa mathĩna make ta methĩwa maumĩte vandũ vangĩ
-
O na kau aĩ na kyeva kingĩ mũno, Yovu nĩwatavisye andũ asu atatũ ũndũ wamwendete Yeova
