25:1-12

O na kau Yesũ ayumya ngelekany’o ya eĩtu ĩkũmi aneeneaa Aklĩsto etĩkĩw’a mauta, maũndũ ala waneenie no matethye Aklĩsto onthe. (w15 15/3 12-16) Nĩkyo kĩtumi waisye atĩĩ: “Syaĩĩsyai ĩndĩ, nũndũ mũtyĩsĩ mũthenya kana saa.” (Mt 25:13) We no ũelesye ngelekany’o ĩsu ya Yesũ?

• Mũtwaani (mũsoa wa 1)—Yesũ

• Eĩtu oĩ (mũsoa wa 2)—Aklĩsto etĩkĩw’a mauta ala meyũmbanĩtye kũtethya wĩa woo me aĩkĩĩku na ala makenaa ta kyeni nginya mũthya (Avi 2:15)

• Wasya mũnene, “Sisyai, mũtwaani nĩwũkĩte!” (mũsoa wa 6)—Ũĩkĩĩthyo wa kana Yesũ nũsumbĩkĩte e mũsumbĩ ũtenekee

• Eĩtu atumanu (mũsoa wa 8)—Aklĩsto etĩkĩw’a mauta ala maendaa kũkomana na mũtwaani, ĩndĩ mataendeeaa kũsyaĩĩsya na mataendeeaa kwĩthĩwa me aĩkĩĩku

• Eĩtu oĩ mailea kũolela ala angĩ mauta (mũsoa wa 9)—Ĩtina wa ũsiĩlo wa mũthya, Aklĩsto etĩkĩw’a mauta maikethĩwa matonya kũtetheesya ala mate aĩkĩĩku

• “Mũtwaani ooka” (mũsoa wa 10)—Yesũ ayũka kũsilĩla etĩkĩw’a mauta mũthyanĩ wa ũla thĩna mũnene

• Eĩtu oĩ mavota vamwe na mũtwaani mbokanĩ ya mũtwaano, na mũomo wavingwa (mũsoa wa 10)—Yesũ ayũmbany’a Aklĩsto etĩkĩw’a mauta ala aĩkĩĩku methĩwe nake ĩtunĩ, ĩndĩ ala mate aĩkĩĩku mayasya ĩtuvi yoo ya kũthi ĩtunĩ