20:28

Aandĩki na Avalisi nĩmendete kwĩka maũndũ nĩ kana moneke nĩ andũ, o na nĩmendete monene. (Mt 23:5-7) Ĩndĩ Yesũ aĩ kĩvathũkany’o. Na ũu nĩw’o nũndũ Mbivilia yaĩtye atĩĩ: “Mwana wa mũndũ ndaaũka kũthũkũmwa, ĩndĩ nĩ kũthũkũma.” (Mt 20:28) Kwoou no twĩkũlye-ĩ, Nĩtwendete mũno kwĩka maũndũ ma ũthaithi ala matonya kũtuma tũmanyĩka na tũkwata nguma? Twenda kwĩthĩwa twĩ anene methonĩ ma Yeova, no nginya tũtate ũndũ tũtonya twĩyĩelekany’e na Yesũ kwa kũtetheesya andũ ala angĩ. Maũndũ asu tũtonya kwĩka tũtetheesye andũ angĩ maĩle kwoneka no Yeova e weka. (Mt 6:1-4) Mũndũ wĩ na wĩnyivyo . . .

• nũtetheeasya kũthesya na kũsũvĩa Nyũmba ya Ũsumbĩ

• nĩwendete kũtetheesya andũ ala akũũ na andũ angĩ

• nĩumasya mĩvothi kwondũ wa kũtetheesya wĩa wa Ũsumbĩ