• Andĩka namba yaku ya vosita. Ĩndĩ ũndũ wona ũtaĩle kũnengane namba yaku ya vosita, no ũkũlye atumĩa ma kĩkundi ũtũmĩe namba ya vosita ya kĩkundi kyenyu. Ĩndĩ NDŨKAATATE kũtũmĩa namba ya vosita ya ovisi wa ũvonge.

• Ethĩwa ũla ũkũmũtũmĩa valũa nũmwĩsĩ, andĩka ĩsyĩtwa yake. Kũlea kũandĩka ĩsyĩtwa ya ũla ũũtũmĩa nĩũtuma valũa waku woneka ta wa kũkathĩĩa syĩndũ sya viasala.

• Ĩkĩĩthya nĩwaandĩka ndeto ũndũ siandĩkawa, na kana valũa waku nũũsomeka nesa. Ĩngĩ, valũa waku ndũkethĩwe na kĩko, kana mathangũ me makũnzanu. Ethĩwa wĩandĩka na kw’oko, tata ũandĩke mũandĩko ũsomeka. Ndũkaandĩke ndeto sya kĩvũthya, kana ndeto syĩ vinya.

Valũa ũũ nĩwonanĩtye nesa ũndũ tũtonya kwĩka ũu. Ĩndĩ ndwĩkĩĩtwe vaa nĩ kana tũwumĩĩasye o ũndũ ũilyĩ kĩla ĩvinda. No ũũvĩndũe wosane na kĩeleelo kyaku kya kũandĩka, na kwosana na kĩsio kyenyu na kĩthĩo kya kwenyu.