NĨKĨ NĨ ŨNDŨ WA VATA: Andũ aingĩ ala matonaa mayĩw’aa me eanĩe maineena na andũ matamesĩ. Kwoou nũseo kũtũmĩa ũĩ nĩ kana tũmaumĩsye ũkũsĩ. Yeova nũthĩnĩkĩaa andũ ala matonaa. (Ali 19:14) No tũatĩĩe ngelekany’o yake kwa kũmatetheesya memanyĩsye ĩũlũ wa Yeova.

ŨTONYA KWĨKA ŨU ATA?

• ‘Mantha’ andũ ala matonaa. (Mt 10:11) Nĩwĩsĩ mũsyĩ wĩ mũndũ ũtonaa? Kĩsionĩ kyenyu ve sukulu, sivitalĩ, kana o kũndũ kũngĩ kwĩthĩawa andũ matonaa, ala matonya kwenda mavuku maseũvĩtw’e kwondũ woo?

• Mony’e nũkwendeew’a nĩmo. Twatuma ndũũ na andũ asu matonaa, na twamony’a kana nĩtũũmathĩnĩkĩa ũu nũtonya kũtuma mew’a me eanĩe. Tata kwambĩĩsya ũneenany’a ũtũmĩĩte ũndũ ũtonya kũmendeesya wĩkĩkĩte kĩsionĩ kyenyu

• Matetheesye maendeee nesa kĩ-veva. Ũseũvyo wa Yeova nĩumĩthĩtye mavuku me kĩvathũkany’o matonya kũtetheesya ala matonaa kana ala monaa o vanini. Kwoou no ũmakũlye matonya kwendeew’a nĩ kwĩmanyĩsya matũmĩĩte nzĩa yĩva? Mũsyaĩĩsya wa ũthũkũmi nĩwaĩle kũĩkĩĩthya kana ũla wĩ mũvĩanĩ wa mavuku nĩweetya mavuku ala andũ ala matonaa mekwenda