MWAMBĨLĨLYO 29-30
MAŨNDŨ MA VATA KUMA NDETONĨ YA NGAI |Yakovo Nĩwatwaanie
29:18-28
Yakovo ndeesĩ mathĩna ala mesaa kũmũkwata ĩtina wa kũtwaana. Iveti syake ila nĩ Lakeli na Lea iyendanĩte. (Mwa 29:32; 30:1, 8) Ĩndĩ o na kau Yakovo nĩwakwatiwe nĩ mathĩna, Yeova nĩwaendeeie kũmũtetheesya. (Mwa 30:29, 30, 43) Ĩtina, nzyawa syake nĩsyesie kũtw’ĩka mbaĩ ya Isilaeli.—Lu 4:11.
Ũmũnthĩ, ala matw’a kũtwaana kana kũtwawa mailea kũkwatwa nĩ mathĩna. (1Ko 7:28) Ĩndĩ no methĩwe na ũtanu na mũtwaano mũseo maendeea kũmwĩkwatya Yeova na kũatĩĩa myolooto ya Mbivilia.—Nth 3:5, 6; Aev 5:33.