Kĩla mwaka nĩtwĩkĩaa kĩthito tũthokye andũ kĩsionĩ kitũ nĩ kana tũlilikane kĩkw’ũ kya Yesũ vamwe namo. Aingĩ moo o na tũyĩthĩawa tũmesĩ. O na ĩngĩ, nĩtwaĩle kũthokya andũ ala tũmesĩ. Mavinda maingĩ andũ ala mathokw’a nĩ andũ mamesĩ, nĩvatonyeka makoka ũmbanonĩ ũsu. (yb08-SW 11 ¶3; 14 ¶1) Nĩ andũ meva ũtonya kũmathokya?

• Andũ ma mũsyĩ

• Ala mũthũkũmaa ĩmwe kana mũsomaa ĩmwe

• Atũi

• Ala ũmasyokeaa, o vamwe na amanyĩw’a ma Mbivilia ala wasomaa namo tene na ala ũsomaa namo yu

O na ĩngĩ, atumĩa makathokya ana-a-asa na eĩtu-a-asa ala mavoie. Nao nata ethĩwa ndwĩkalaa kĩsionĩ kĩmwe na mũnyanyau? No ũmanthe saa na vala ũmbano ũsu ũkekĩwa kĩsionĩ kyoo kwa kũvinyĩĩa vala vaandĩkĩtwe ĨŨLŨ WITŨ nthĩnĩ wa jw.org, na ĩndĩ ũivingũa vala vaandĩkĩtwe “Kũlilikana kĩkw’ũ kya Yesũ.” Ũyĩyũmbanĩsya kũlilikana kĩkw’ũ kya Yesũ mwaka ũũ, sũanĩa ala ũtonya kũthokya, na ũyĩka ũu.