Kĩla kyakwatie Aisilaeli ndiĩnĩ sya Moavi no kĩmanyĩsye Aklĩsto ũndũ wa vata ũmũnthĩ. (1Ko 10:6, 8, 11) Aka ma Moavi meekaa ũlaalai na mathaithaa ngai sya ũvũngũ, na kwoou Aisilaeli ala mambĩĩe kũtindany’a namo nĩmeekie naĩ ngito. Kĩu kyatumie makwatwa nĩ maũndũ mathũku mũno. (Mot 25:9) Tũthyũlũlũkĩtwe nĩ andũ ala tũthũkũmaa namo, ala tũsomaa namo, atũi, andũ maitũ ma mũsyĩ, na andũ angĩ ala matamũthaithaa Yeova. Ngewa ĩsu yĩ Mbivilianĩ ĩtonya kũtũmanyĩsya kyaũ ĩũlũ wa mĩisyo ĩla ĩtonya kumĩla twatindany’a na andũ ta asu?

ĨLOELEI VITIO YĨ NA KYONGO, NGELEKANY’O ITONYA KŨTŨMANYĨSYA ŨMŨNTHĨ​—KALUNGU KA VITIO, NA ĨNDĨ MŨISŨNGĨA MAKŨLYO AA:

• Nĩ mosũanĩo meva mathũku Nzimili na ala angĩ matavisye Yamini?

• Vineasi atetheeisye Yamini ata one maũndũ kwa nzĩa ĩla yaĩle?

• Ve kĩvathũkany’o kyaũ kya kwonany’a kana nũkwendeew’a nĩ mũndũ ũte Ngũsĩ, na kwĩthĩwa mwĩ anyanya?

• Nĩkĩ twaĩle kwĩthĩwa twĩ metho yĩla tũũnyuva anyanya maitũ ma vakuvĩ o na nthĩnĩ wa kĩkundi?

• Nĩkĩ tũtaĩle kũea ngewa na andũ tũtamesĩ isesenĩ sya kũea ngewa?