Kola, Ndathani, na Avilamu nĩmoonanisye kana mayaĩ aĩkĩĩku kwa Yeova kwa kũleana na mĩvango yake. Yeova nĩwamanangie alei asu vamwe na andũ onthe ala mamakwataa mbau. (Mot 16:26, 27, 31-33) Nĩ maũndũ meva matonya kũtata ũĩkĩĩku witũ kũmwelekela Yeova? Nĩ ngelekany’o syĩva syĩ Mbivilianĩ itonya kũtũtetheesya tũikeyĩelekany’e na andũ ala mate aĩkĩĩku?

ĨLOELEI VITIO YĨ NA KYONGO, NDŨKEYĨELEKANY’E NA ANDŨ ALA MATAĨ AĨKĨĨKU, NA ĨNDĨ MŨISŨNGĨA MAKŨLYO AA:

• Nadia akwatiwe nĩ ĩtatwa yĩva, na nĩ ngelekany’o yĩva yĩ Mbivilianĩ yamũtetheeisye ethĩwe e mũĩkĩĩku?

• Nĩ ĩtatwa yĩva yakwatie mwana-a-asa ũmwe, na nĩ ngelekany’o yĩva yĩ Mbivilianĩ yamũtetheeisye ethĩwe e mũĩkĩĩku?

• Terrance akwatiwe nĩ ĩtatwa yĩva, na nĩ ngelekany’o yĩva yĩ Mbivilianĩ yamũtetheeisye ethĩwe e mũĩkĩĩku?

• Nĩ ĩtatwa yĩva yakwatie mwana-a-asa ũmwe e sukulu, na nĩ ngelekany’o yĩva yĩ Mbivilianĩ yamũtetheeisye ethĩwe e mũĩkĩĩku?