Matatwa no matume tũkw’a ngoo na mũno mũno ethĩwa nĩmekala kwa ĩvinda yĩasa mateũthela. Ndaviti nĩweesĩ kana thĩna ũla wathĩnaw’a nĩ Mũsumbĩ Saulo mũthenya ũmwe ũkathela, na aitw’ĩka mũsumbĩ o tondũ Yeova wathanĩte. (1Sa 16:13) Nũndũ Ndaviti aĩ na mũĩkĩĩo, nĩweethĩiwe na wũmĩĩsyo na amweteela Yeova.

Yĩla twakwatwa nĩ ĩtatwa, no tũtũmĩe ũĩ, ũmanyi, kana kĩlĩko kĩla tũnengetwe nĩ Yeova kũthĩnĩkĩa ĩtatwa yĩu. (1Sa 21:12-14; Nth 1:4) Ĩndĩ o na ũu wĩ o vo, matatwa amwe no maeme kũthela o na tweeka maũndũ kwosana na myolooto ya Mbivilia. Yĩla maũndũ meethĩwa mailye ũu, no nginya twĩthĩwe na wũmĩĩsyo na tũimweteela Yeova. O mĩtũkĩ akamina mathĩna onthe na ‘aivangũla methoi onthe’ methonĩ maitũ. (Ũvu 21:4) Yĩthĩwe nĩ Yeova ũkalikĩlĩĩla nĩ kana matatwa maitũ mathele, kana makathela nũndũ wa itumi ingĩ, twĩ na mũĩkĩĩo na ũndũ ũũ ũmwe: Vai ĩtatwa yĩte mũthya. Kũmanya ũu nĩkũtũkiakiasya.

ĨLOELEI VITIO YĨ NA KYONGO, ANDŨ ME NA NGWATANĨO NTHĨNĨ WA NTHĨ ĨAANĨKĨTE, NA ĨNDĨ MŨISŨNGĨA MAKŨLYO AA MAATĨĨE:

• Nĩ mathĩna meva makwatie Aklĩsto amwe ma ngalĩko ya ĩtheo ya Amelika?

• Moonanisye ata kana maĩ na wũmĩĩsyo na maĩ na wendo?

• Maendeeie ata kũĩkĩĩthya “maũndũ ala ma vata”?—Avi 1:10