Ndaviti amũsindie Ngoliathu nũndũ nĩwamwĩkwatĩtye Yeova. (1Sa 17:45) Yeova nĩwendaa kwonany’a vinya wake kwondũ wa athũkũmi make onthe. (2Mav 16:9) Tũtonya kwĩkwatya ata ũtethyo ũla Yeova ũtũnengae vandũ va kwĩkwatya ũtũĩka na ũmanyi ũla twĩ naw’o? Sisya nzĩa ii itatũ:

• Voya mavinda maingĩ. Voya ti kwondũ wa kũekewa mavĩtyo moka, ĩndĩ ũkwate vinya yĩla watatwa wĩke ũndũ ũtaĩle. (Mt 6:12, 13) O na ĩngĩ, o vamwe na kũvoya moathimo ma Yeova ĩũlũ wa motwi weekie, no ũmũvoye aũtongoesye na aikũnenga ũĩ ũtanamba kwĩka motwi.—Yak 1:5

• Ĩthĩwa na kĩmanyĩo kya kũsoma Mbivilia na kwĩmanyĩsya. Somaa Mbivilia kĩla mũthenya. (Sav 1:2) Osa ĩvinda ũsũanĩe ngelekany’o syĩ Mbivilianĩ na ũitũmĩa kĩla weemanyĩsya. (Yak 1:23-25) Ĩyũmbanĩsye ũtavany’a vandũ va kwĩkwatya ũtũĩka ũla wĩ naw’o. O na ĩngĩ, ĩyũmbanĩasye maũmbano ma kĩkundi kwĩ tene nĩ kana ũtetheke

• Ĩthĩwa na ngwatanĩo na ũseũvyo wa Yeova. Ĩthĩwa wĩ metho kũmanya moalyũku ala meekwa ũseũvyonĩ na ũimaatĩĩa vate kũtindĩa. (Mot 9:17) Methukĩĩsye atũmĩa yĩla meũnengane ũtao na myolooto.—Avl 13:17

ĨLOELEI VITIO, TŨYAĨLE KŨKĨA KŨTHĨNW’A O NA VANINI, NA ĨNDĨ MŨISŨNGĨA MAKŨLYO AA MAATĨĨE:

• Ana-a-asa na eĩtu-a-asa ala twoona vitionĩ makĩaa kyaũ?

• Nĩ kyaũ kyamatetheeisye maeke kũkĩa?