ĨKĨA KĨTHITO WĨTHĨWE MŨTAVANY’A MŨSEO | ŨNDŨ ŨTONYA KŨTANĨA MŨNANGO WĨA WA KŨTAVANY’A
Tetheesya Amanyĩw’a ma Mbivilia Methĩwe na Ngwatanĩo ya Vakuvĩ Vamwe na Yeova
Yeova endaa tũmũthũkũme nũndũ nĩtũmwendete. (Mt 22:37, 38) Amanyĩw’a maku ma Mbivilia meethĩwa mamwendete Yeova, ũu ũkamanenga vinya wa kwĩka moalyũku ala mekwendeka na mayĩũngama me alũmu o na matatwa. (1Yo 5:3) Kũmwenda Yeova nĩkw’o kũkamasukuma mavatiswe.
Tetheesya amanyĩw’a maku mone ũndũ Ngai ũmendete. Makũlye makũlyo ta: “Ũndũ ũũ wĩkũmanyĩsya kyaũ ĩũlũ wa Yeova?” kana “Ũndũ ũũ waũtetheesya ata kũmanya kana Yeova nũkwendete?” Matetheesye mone ũndũ Yeova ũthĩnĩkĩaa kĩla ũmwe woo. (2Mav 16:9) Maelesye ũndũ we mwene wonete Yeova aisũngĩa mboya syaku, na ũimekĩa vinya matate kwonaa ũndũ Yeova ũsũngĩaa mboya syoo. Nĩtũtanaa mũno yĩla twoona amanyĩw’a ma Mbivilia mayĩw’a Yeova amendete, na mayonany’a kana o namo nĩmamwendete na meenda kũtw’ĩka anyanyae.
ĨLOELEI VITIO, TETHEESYA AMANYĨW’A MAKU MA MBIVILIA METHĨWE NA NGWATANĨO YA VAKUVĨ VAMWE NA YEOVA, NA ĨNDĨ MŨISŨNGĨA MAKŨLYO AA MAATĨĨE:
-
Rose eĩ na thĩna wĩva?
-
Neeta amũtetheesya Rose ata?
-
Rose eeka ata nĩ kana asinde thĩna ũla eĩ naw’o?
