MWĨKALĨLE WA AKLĨSTO
Motwi Ala Monanasya Nĩtũmwĩkwatasya Yeova
Kĩla mũthenya nĩtwĩkaa motwi maingĩ. Mavinda maingĩ andũ ma nthĩ ĩno mekaa motwi kwosana na ũndũ mo ene mekwĩwʼa, kana maatĩĩe kĩla angĩ mekwĩka. (Kuma 23:2; Nth 28:26) Ĩndĩ ala mamwĩkwatasya Yeova monanasya kana ‘nĩmamũkũsĩĩaa,’ kana nĩmamũĩkĩĩe, kwa kũatĩĩa myolooto ya Mbivilia yĩla mekwĩka motwi.—Nth 3:5, 6.
Myanyanĩ ĩla ĩatĩĩe, andĩka nĩ ũndũnĩ wĩva ĩandĩko yĩla yonanĩtwʼe vau yĩtonya kũũtetheesya kwĩka ũtwi mũseo.
ĨLOELEI VITIO YĨ NA KYONGO, ATĨĨA NGELEKANYʼO SYA ALA MAĨ MŨĨKĨĨO, TI ALA MATAĨ NAWʼO—MOSE, NA TI VALAO, NA ĨNDĨ MŨISŨNGĨA ĨKŨLYO YĨĨ YĨATĨĨE:
Ngelekanyʼo ya mũndũ ũmwe ũwetetwe Mbivilianĩ yatetheeisye mwana-a-asa ũmwe ata kwĩka ũtwi mũseo?
