Ĩtukũ 1-7, Mwei wa 4
SAVULI 23-25
Wathi 4 na Mboya | Ndeto sya Kwambĩĩa (Ndat. 1)
1. “Yeova Nĩwe Mũithi Wakwa”
(Ndat. 10)
Yeova nũtũtongoeasya (Sav 23:1-3; w11 5/1 31 ¶3)
Nũtũsũvĩaa (Sav 23:4; w11 5/1 31 ¶4)
Yeova nũtũĩthasya nesa (Sav 23:5; w11 5/1 31 ¶5)
Yeova nũthĩnĩkĩaa athũkũmi make o ũndũ mũĩthi wĩ wendo ũthĩnĩkĩaa malondu make.
ĨKŨLYE-Ĩ, ‘Yeova ethĩĩtwe ainthĩnĩkĩa ata nyie mwene?’
2. Ũthwii wa Kĩ-veva
(Ndat. 10)
Sav 23:3—Syo ‘nzĩa sya ũlũngalu’ syonanasya kyaũ, na nĩ kyaũ kĩtonya kũtũtetheesya twĩkale nzĩanĩ isu? (w11 2/15 24 ¶1-3)
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 23:1–24:10 (th ĩsomo ya 5)
4. Kwambĩĩsya Ũneenanyʼa
(Ndat. 3) KŨTAVANYʼA WĨ MAŨNDŨNĨ MAKU. Soma mũsoa wĩ Mbivilianĩ ũthangaasye mũndũ waũtavya nũkũthĩnĩka nũndũ wa andũ ala maendeee kwananga nthĩ. (lmd ĩsomo ya 2 ũndũ wa 5)
5. Kũsyokea Ala Mekwendeewʼa
(Ndat. 4) KŨTAVANYʼA NYŨMBA NA NYŨMBA. Onyʼa mũndũ ũneetĩkĩlile mbulosua Tanĩa Thayũ Tene na Tene! ũndũ tũmĩtũmĩaa kwĩmanyĩsya Mbivilia na andũ. (lmd ĩsomo ya 9 ũndũ wa 3)
6. Kũtwʼĩkĩthya Andũ Amanyĩwʼa
(Ndat. 5) lff ĩsomo ya 14 ũndũ wa 4 (lmd ĩsomo ya 11 ũndũ wa 3)
Wathi 54
7. Nĩtũleaa Wasya wa Aeni
(Ndat. 15) Ũneenanyʼa na ethukĩĩsya.
Malondu nĩmethĩawa mesĩ wasya wa mũĩthi wamo na nĩmamũatĩĩaa. Kĩvathũkanyʼo na ũu, nĩmasembaa makĩĩte mũndũ mũeni, nũndũ mayĩthĩawa mesĩ wasya wake. (Yoa 10:5) O ta ũu, nĩtwĩthukĩĩasya wasya wa Yeova na Yesũ. Twĩkaa ũu nũndũ mo nĩ Aĩthi matwendete na ma kwĩkwatwʼa. (Sav 23:1; Yoa 10:11) Ĩndĩ nĩtũleaa wasya wa aeni ala matataa kwonzya mũĩkĩĩo witũ matũmĩĩte “ndeto sya ũvũngũ.”—2Vt 2:1, 3.
Ĩvuku ya Mwambĩlĩlyo kĩlungu kya 3 nĩyĩwetete ĩvinda ya mbee yĩla wasya wa mũeni weewʼĩkie ĩũlũ wa nthĩ. Satani aneenie na Eva atũmĩĩte nzoka, na kĩu kyatuma Eva atamanya ũla waneenaa nake. Eetwʼĩkĩthisye mũnyanya wa Eva, na ĩndĩ athyoekya ndeto sya Yeova na ieleelo syake. Ũndũ wa kũmakya nĩ kana Eva nĩwamwĩthukĩĩisye, na kĩu kyatuma we na mũsyĩ wake malika thĩnanĩ mũnene.
Ũmũnthĩ Satani atataa kũvanda nzika ngoonĩ sitũ ĩũlũ wa Yeova na ũseũvyo wake. Ekaa ũu kwa kũnyaĩĩkya maũvoo mathũku, me na ũwʼo nusu, na me na ũvũngũ mũthei. Yĩla tweewʼa wasya wa mũeni, twaĩle kũsemba tũkĩĩte! Kwĩthukĩĩsya wasya wake, o na ethĩwa nĩ kwa ndatĩka nini, aĩ nĩ kana tũmanye ũndũ mũna tu, nĩ mũisyo mũnene. We Satani atũmĩie ndeto siana ata kũkenga Eva o kwa kavinda kakuvĩ kala maneenie? (Mwa 3:1, 4, 5) Nao nata ethĩwa mũndũ twĩsĩ, ũtwendete na wĩ na kĩeleelo kĩseo, eenda kũtũtavya ũvoo mũna mũthũku ĩũlũ wa ũseũvyo wa Yeova?
Thaũka VITIO Ndũkatĩĩe “Wasya wa Aeni.” Na ĩndĩ ũikũlya ethukĩĩsya:
Weemanyĩsya kyaũ wasũanĩa nzĩa ĩla Rose watũmĩie kũsũngĩa inyia wake ũla ti Ngũsĩ?
8. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 8 ¶1-4, masandũkũ ĩth. ya 61-62
